AYUB 5:6 - KITTA' MATANGKASA'

⁶ Tena nabattu ri buttaya ammumba kaja'dallanga; tena nabattu ri buttaya ammumba kasusaanga.

AYUB 5:6 Referans Kwoze

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

HOSEA 10:4

A'bicara kosongi ke'nanga siagang appareki janji takontutojeng siagang anynyikkoki parjanjiang tenaya matu-matunna. Naputara' baleki hukkunga ke'nanga, sa'genna attimbomo tenaya naadele' rapang lamung-lamung a'racunga ri koko le'baka nibingkung.

PIRAUNG 3:38

Anjo bajika siagang ja'dalaka nigaukangi lanri parentaNa bawang Batara.

PAMMUJI 90:7

Ta'bangkai ikambe ri kalarroanTa, cappuki posso' lanri larroTa.

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.

1 SAMUEL 6:9

Parhatikangi jappana; punna anjo Patti Parjanjianga nierang mangei ri pa'rasangang kalenna, iamintu kota Bet-Semes, battuanna Allata'alana tojeng tu Israel ampabattui anjo kacilakang lompoa mae ri katte. Mingka punna tena na'lampa mange anjoreng anjo karobaya, laniassemmi angkanaya anjo balaya teai bala battu ri Allata'alana tu Israel, passangalinna kabutulanji bawang.”

PAOLE 32:27

Mingka takkulleai tinggi pa'mai' musunna Israel, rapang nibetai bansaKu lanri ke'nanga,’ nasaba' iNakke bawang, iNakke bawang, anggaukangi anjo sikammaya.

KAIMANGNGANG 25:5

Ba'lalo attimboa kalenna yareka anggoro' tenaya niparakai poko'na, takkulleai nupasse're siagang nuboli', nasaba' anjo taunga iamintu taung pammari-mariang untu' buttaya.

AYUB 15:35

Iaminjo ke'nanga anrancanga siagang anggaukangai ja'dalaka; balle-ballea tuli niaki lalang atinna.”