AYUB 5:4 - KITTA' MATANGKASA'

⁴ Jari tale'bakami ana'-ana'na anggappa pangngatutui; taniakka ero' angngallei ke'nanga ri pangadelang.

AYUB 5:4 Referans Kwoze

PAMMUJI 127:5

Mate'nei tau niaka parsadiaanna pana-pana kammaya anjo! Tena nalanibeta, wattunna nadallekang musua ri pangadelanga.

PAMMUJI 119:155

Tau ja'dalaka tena nalanipasalama', lanri tena namannuruki ri katantuanTa.

AMOS 5:12

Kuassengi antekamma lompona kaja'dallannu siagang antekamma jaina dosanu. Nujallakkangi tau bajika; annarimako doe' nipacoco' siagang nubalang parekangi tu kasi-asia nigau' taadele' ri pangadelanga.

PAMMUJI 7:2

O, Batara Allata'alaku, iKatte kupa'la'langi; Kipasalamaka' siagang Kilappassanga' battu ri sikontu tau angngondanga'.

AYUB 27:14

Punna jai ana'na, lamatei ke'nanga lalang bundu' siagang ana' cucunna lakakurangangi lalang tallasa'na.

AYUB 10:7

Sitojenna Kiassengi siagang Kipahangi, angkana tena kusala, mingka annaba'. Kiassengi angkana manna sitau tania' akkulle ampasalamaka' battu ri limanTa.

AYUB 8:4

Gassingka ana'-ana'nu doraka mae ri Ia, jari siratangi nihukkung ke'nanga ri Ia.

AYUB 1:19

Ti'ring battumi anging puttusuka battu ri parang lompoa nampa natuju anjo ballaka sa'genna rumbang nampa mate ngasemmo anatta. Inakke mami anne atanta ta'lappasa', sa'gengku akkulle battu a'laporo' mae ri katte.”

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

YOSUA 20:4

Akkullei lari mange ri kalase'renna anjo kotaya, siagang a'lampa mange ri pangadelanga ri pakke'bu' lompona anjo kotaya, nampa napakasingara' anjoreng mae ri sikamma pamimpinga apa le'baka kajariang. Lanipa'biangi ri pamimping-pamimping niaka anjoreng untu' antama' ri anjo kotaya, siagang lanasarei pammantangngang.

AYUB 20:10

Apa nalukkaka riolo battu ri tau tenaya apa-apanna, musti nisambei ri ana'-ana'na.

PANGNGEBARANG 24:7

Tau toloa takkulleai naselangngi kacara'dekanga. Tena apa-apa akkulle napau punna a'bicara taua ri passala' apa-apa parallua.