AYUB 5:23 - KITTA' MATANGKASA'

²³ Tena batunna koko nupa'jekoa; tanabakkaiako olo'-olo' liara'.

AYUB 5:23 Referans Kwoze

KAIMANGNGANG 26:6

LaKujagai kaamananna pa'rasangannu sa'gennu akkulle tinro sannang siagang tena numalla' manna pole ri nai. LaKupa'lanynyaki sikamma olo'-olo' sekkeka battu ri pa'rasangannu, siagang latenamo pa'bundukang ri pa'rasangannu.

HOSEA 2:18

Anjo wattua lapparekKa' parjanjiang siagang sikontu rupanna olo'-oloka, sollanna tanaganggua ke'nanga ummakKu. LaKupammari sikontu pa'bundukanga siagang Kupabella ngasengi sikontu pakkakasa' pa'bundukanga battu ri pa'rasanganna ummakKu, naKupakasannang siagang Kupakaamang tallasa'na ke'nanga.

DANIEL 6:22

Nampa kalangngerammo sa'ranna Daniel appiali angkana, “La'bui umuru'na karaengku satunggu-tungguna!

YESAYA 65:25

Serigalaya siagang gimbalaka lasiagangi sipa'rukukang; singaya angnganre rarame sangkamma sapi, siagang ularaka tenamo bahayana. Ri sikontu bulu' matangkasakKu, tenamo lappakarugi siagang a'gau' ja'dala'.”

YEHEZKIEL 34:25

LapparekKa' parjanjiang siagang ke'nanga, ampattantui kaamangnganna ke'nanga. LaKubongkai sikontu olo'-olo' sekkeka battu ri sikontu pa'rasanganga, sa'genna akkulle sikamma gimbalakKu ammantang siagang amang ri sikamma paranga siagang attinro ri romanga.

YEHEZKIEL 34:27

Poko'-pokoka la'rappoi, koko-kokoa langngerangi wassele', siagang sikontu taua lammantangi siagang amang ri butta kalenna. Punna le'ba'mo Kutappu' rante passikko'na ummakKu siagang le'ba'mi Kulappassang battu ri tau amparekai ata ke'nanga, naassemmi ke'nanga angkanaya iNakke Batara.