AYUB 5:21 - KITTA' MATANGKASA'

²¹ Najagaiko battu ri pitina siagang pangngompa salaya; tena numalla' andallekangi balaya.

AYUB 5:21 Referans Kwoze

PAMMUJI 31:20

Tamaka alla'bi-la'bina kabajikanTa Kipasadiaya mae ri tau mappilangngeria! Sikamma taua nacini' ngasengi kabajikang Kigaukanga, mae ri sikamma tau ma'la'langa mae ri Katte.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

PANGNGEBARANG 12:18

Bicara sambaranga akkullei nalokoki pa'maika sanrapang panno'do'na pa'danga; kana-kana cara'deka sanrapangi pa'balle appamollea.

PAMMUJI 55:21

Le'ba' belaku nabunduki agang-aganna, nakaluppai janjinna.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

PAMMUJI 57:4

Appiali battu ri suruga siagang Napasalamaka'; Nabetai sikamma tau anjallakkangia'. LaNapicinikianga' Allata'ala angkanaya tamamminrayai mae ri nakke, siagang tuli mangngamaseangi mae ri nakke.

AYUB 5:15

Mingka Napasalamaki Allata'ala: tu kasi-asia battu ri kamateang, tu tuna pa'maika battu panjallakkang.

PANGNGEBARANG 3:25

Tena nuparallu malla' ri bala ti'ring battua sanrapang anging lompo, antujui tau ja'dalaka.

PAMMUJI 31:21

Kicokkoi ke'nanga lalang ri la'lanTa battu ri akkala' salana tau ja'dalaka; Kijagai ke'nanga lalang ri pa'la'langanTa battu ri tuduhanna balia.