AYUB 42:10 - KITTA' MATANGKASA'

¹⁰ Nampa, ri le'ba'namo Ayub appala' doang untu' anjo tallua aganna, nipa'jari kalumanynyammi ammotere' ri Batara; a'lappi ruami kakalumanynyanganna na rioloa.

AYUB 42:10 Referans Kwoze

PAOLE 30:3

laNakamaseang mako Karaeng Allata'alanu. LaNaerangko ammotere' battu ri bansa-bansa nupammantangngia nipasisa'la'-sa'la', nampa nipa'jari salewangangko ammotere' ri katallassannu.

YESAYA 40:2

Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”

YESAYA 61:7

Lanri le'ba' mako nipakasiri' a'lappi tallu, siagang ra'masaka kammayatompa tunaya a'jari bageannu, na nunggappamo warisi' a'lappi rua ri pa'rasangannu, na nupatang karannuang mannannunganga.

PANGNGEBARANG 22:4

Tau mappilangngeria ri Batara na napakatuna kalenna, lamate'nei, kala'biangi, siagang nipakalompoi.

PAMMUJI 14:7

Poro battu ri Sion battu kasalamakkanga untu' tu Israel! Na larannu sikamma turunganna Yakub punna Napoterang kaadaang baji'na umma'Na.

PAMMUJI 126:1

Kelong siara. Ri wattunna Napammole Batara lampa-lampana Yerusalem, sangkammaki' tau asso'na!

LAMPA-LAMPANA 7:50

Sai KalengKu ampa'jari sikontu apa niaka?’ kammaminjo kananNa Allata'ala.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

HAGAI 2:8

Sikontu bulaenga siagang peraka ri anne linoa, iNakke kabusu' pata.

PAOLE 9:20

Larro dudu tongi Batara mae ri Harun sa'genna eroki Nabuno; mingka kupappala' doangngang tongi.

PAMMILANGNGANG 12:13

Jari ammarrammi Musa mae ri Batara, angkana, “O, Allata'ala, kupalaki, sollanna Kipammollei ammotere' battu ri garrinna!”

PAMMILANGNGANG 12:2

Nakana ke'nanga, “Apaka tete ri Musa ji bawang akkulle a'bicara Batara? Sai akkulle tonji a'bicara tete ri katte?” Nalangngereki Batara anjo apa nakananga ke'nanga.

LAMPA-LAMPANA 7:60

Nampa akkulantu' siagang ammarrang lompo, nakana, “O Batara, teaKi' patanggongiangi anne dosaya mae ri ke'nanga.” Le'baki akkana kamma, matemi Stefanus.

2 PATTOTTORANG 25:9

Akkuta'nammi Amazia angkana, “Mingka antekammami anjo sikontu pera' le'bakamo kupassareang mae ri ke'nanga?” Appialimi anjo na'bia angkana, “Akkullei Napoterang Batara mae ri katte la'bi jaiangngang pole naanjo.”

LUKAS 16:27

Nakanamo anjo tau kalumanynyanga, ‘Punna padeng kamma bapa', kupala' dudui ri katte sollanna kisuro Lazarus mange ri balla'na manggeku.

1 SAMUEL 2:7

Nia' tau Napa'jari kasi-asi dudu, nia' todong Napa'jari kalumanynyang. Nia' tau Napakatuna, nia' todong Napakatinggi.

PAOLE 8:18

U'rangi angkanaya sikontu tojenna Karaeng Allata'alanu ansareko kakalumanynyangngang. Nagaukangi anjo kammaya lanri sa'genna anne alloa tuli tamamminrana mae ri parjanjiang Napareka siagang boe-boenu.

PA'JARIANG 20:17

Nipa'jari tamanang ngasemmi ri Batara sikontu baine niaka ri balla' kakaraenganna Abimelekh passabakkang Sara, bainenna anjo Abraham. Nampa appala' doammo Abraham ri Allata'ala, sa'genna nipa'jari baji' ammotere' Abimelekh. Bainenna siagang sikamma atanna bainea, nipa'jari baji' ngaseng tommi ammotere' sa'genna akkulle ngasemmi ammana' poleang.

PAMMILANGNGANG 14:10

Sikontu ra'yaka a'garatta'mi ero' ansambilai ke'nanga batu sa'genna mate. Mingka ti'ring nia'mo nacini' ke'nanga caya tassioro'Na Batara ammumba irateanna Kemaya.

PAMMUJI 53:6

Tau ja'dalaka lasanna' malla'na, natenaja apa appakamalla', saba' Napasiaraki Allata'ala buku-bukunna tau angkatulungiako; nitolla'mi ke'nanga ri Allata'ala, jari lanubetami ke'nanga.

YAKOBUS 5:11

Nigallara'mi ke'nanga tau sunggu, lanri sa'bara'na ke'nanga. Nulangngere' tommi kasa'barranna Ayub, siagang nuasseng tommi antekamma batena nibarakkaki ri Batara, ri kale'bakkanna. Nasaba' teai sipato' baji' pa'mai'Na siagang lompo pangngamaseanNa Batara.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.

AYUB 1:2

Nia' ana'na tuju bura'ne siagang tallu baine.

AYUB 42:9

Nagaukammi Elifas, Bildad siagang Zofar, anjo apa Napassuroanga Batara, siagang Natarimami Batara pappala' doanna Ayub.