AYUB 4:9 - KITTA' MATANGKASA'

⁹ Sanrapang anging puttusu', kammaminjo larroNa Allata'ala ampanraki ke'nanga sa'genna cappu'!

AYUB 4:9 Referans Kwoze

AYUB 15:30

Tena nalakkulle ta'lappasa' battu ri sassang makkapuka; pepeka lampa'jari ammutungi cu'la'-cu'la'na. Lacappuki nitui' ri bawaNa Allata'ala.

2 TESALONIKA 2:8

nampami kacinikang anjo Tau Ja'dalaka. Jari punna battu Batara Isa, la'mai'ji bawang naNabuno anjo Tau Ja'dalaka siagang laNalissara' ri kalompoang kabattuanNa.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YESAYA 11:4

Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

PAPPICINI' 2:16

Lanri kammana, toba' laloko battu ri dosa-dosanu ngaseng! Punna tena, sinampe' mami Kulabattu mae ri kau ngaseng ambunduki siagang pa'dang niaka ri bawaKu anjo tau kammaya.

PAMMUJI 18:15

Napabuccuki ana'-ana' panaNa nampa Napasimbung sikamma musua; Napasisambung-sambummi Napakila' kila'Na, sa'genna lari ngaseng ke'nanga.

AYUB 40:13

Tarawang ngasengi ke'nanga lalang ri limbu'buka; kurungi ke'nanga lalang ri linona tau matea.

AYUB 1:19

Ti'ring battumi anging puttusuka battu ri parang lompoa nampa natuju anjo ballaka sa'genna rumbang nampa mate ngasemmo anatta. Inakke mami anne atanta ta'lappasa', sa'gengku akkulle battu a'laporo' mae ri katte.”

2 KARAENG-KARAENG 19:7

Batara lampakamallaki anjo karaeng Asyur sollanna naparhatikang kabara' anginga sa'genna ammotere' mae ri pa'rasanganna, siagang anjorengi lanibuno.”

KALAPPASSANG 15:10

Mingka sikaliji a'mai' Batara na Napabattu balaya mae ri tu Mesir. Tallangi ke'nanga rapang tima battala' lalang ri gamarrunna je'ne' lompoa.

KALAPPASSANG 15:8

Kituiki tamparanga, ta'gulung tinggi je'neka, ammenteng kassa' rapang tembo', sa'genna akkulle niolo dapara'na tamparanga.

AYUB 40:11

Ciniki ke'nanga tau tinggi pa'maika; pa'betteseki larronu siagang pakatunai ke'nanga.

YESAYA 40:7

Rukuka a'jari kalotoro', bungaya a'jari kalumeng, punna Napatui' Batara anging bambanga. Tojeng, anjo bansaya rapangi ruku'.