AYUB 4:8 - KITTA' MATANGKASA'

⁸ Kuassengi battu ri paccinikku, angkanaya tau appa'jekoa ri koko kaja'dallang, siagang appakioro' bala a'jari bine lamungang, lakkattoi cilaka siagang kasusaang!

AYUB 4:8 Referans Kwoze

PANGNGEBARANG 22:8

Tau appakioroka kajekkongang lakkattoi bala; kale'bakkanna lalanynya'mi appaero'-ero' na appanggaukang.

HOSEA 8:7

UmmakKu appakioroki anging jari lakkattoi anging lompo! Tena nadidi rappo gandunna ke'nanga, jari talanggappayai labu' untu' kanrena ke'nanga. Mingka punna padeng didi anjo gandunga, lala'busuki nikanre ri bansa-bansa maraenga.

2 KORINTUS 9:6

U'rangi laloi! Angkanaya inai-nai a'lamung sike'de', sike'de' tonji wassele' lanagappa. Mingka inai a'lamung jai, lajai tongi wassele' nagappa.

YEREMIA 4:18

Yehuda, kalennu tonji ampabattui anjo balaya mae ri kalennu. Batenu attallasa' siagang sikamma panggaukannu a'jari passabakkang mae ri sikontu anjo passessa ampa'rissiai atinnu.

AYUB 15:35

Iaminjo ke'nanga anrancanga siagang anggaukangai ja'dalaka; balle-ballea tuli niaki lalang atinna.”

AYUB 15:31

Punna tappaki mae ri apa tenaya matu-matunna, lanitipumi; na sambe lanatarimaya, tena todong matu-matunna.

PANGNGEBARANG 1:31

Lanri kammana, lanukasia' ngasengi sallang kale'bakkanna sikamma panggaukang-panggaukannu siagang rancana-rancana kodinu.

YESAYA 17:11

Mingka manna pole naccu'la' memang siagang a'bunga memang ri allo nulamunna, mingka tena nalanugappa wassele'na. Ia lanugappaya iamintu poro kasusaang siagang kapa'risang bawang, tenaya nakkulle tappela'.