AYUB 4:10 - KITTA' MATANGKASA'

¹⁰ Tau ja'dalaka ammammuki siagang appiraungi, sanrapang singa appiraung ke'nanga. Mingka Natongkoki Allata'ala bawana ke'nanga siagang natepoki gigi-giginna.

AYUB 4:10 Referans Kwoze

PAMMUJI 58:6

tenaya nalangngereki sa'ranna tumangngajara' cara'de'na, yareka sa'ranna sanro cara'deka.

PANGNGEBARANG 30:14

Nia' tau amboyai dalle'na sanna' palla'na batena; sanna' sekke'na siagang napaccoki tu kasi-asia siagang tau lammaya.

PAMMUJI 57:4

Appiali battu ri suruga siagang Napasalamaka'; Nabetai sikamma tau anjallakkangia'. LaNapicinikianga' Allata'ala angkanaya tamamminrayai mae ri nakke, siagang tuli mangngamaseangi mae ri nakke.

PAMMUJI 3:7

Tamallakka' ri musu assa'bua makkuliling ri nakke battu ri kemae-kemae.

AYUB 29:17

Mingka kutepoki koasana tau pallaka, na kupasalama' tau eroka napa'jari koro'banna.

AYUB 5:15

Mingka Napasalamaki Allata'ala: tu kasi-asia battu ri kamateang, tu tuna pa'maika battu panjallakkang.

PAMMUJI 58:7

O, Allata'ala, Kitepo' laloi gigi-giginna ke'nanga, Kibi'bu' laloi gigi ri dallekanna anjo singa rungkaya, o, Batara.