AYUB 39:10 - KITTA' MATANGKASA'

¹⁰ Maka akkullei nusikko' nampa nupassai ampa'jekoangko? Maka akkullei nusuro angkaerangko kokonnu?

AYUB 39:10 Referans Kwoze

MIKHA 1:13

Ikau ngaseng pandudu'na Lakhis, patabami jaranga ri kareta bunduka! Nupalembai dosa-dosa nigaukanga ri Israel sa'genna doraka tommo Yerusalem napakamma.

PAMMUJI 129:3

nabokka'-bokkaki ke'nanga dongkokku, sanrapang tuppa'jeko appare' kaloro'-kaloro' la'bu ri kokoa.

AYUB 41:5

Maka akkullei nusikko' sanrapang jangang-jangang piara, ampakasannangai pa'mai'na ata-ata bainea?

AYUB 39:7

Napakabellai kalenna battu ri kota-kota suaraka, tena akkulle ampannabai siagang ampajamai.

AYUB 39:5

Inai allappassangi keledai liaraka ri romanga? Inai alla'gasi otere'na nampa nalappassang a'lampa mange-mange?

AYUB 1:14

Ti'ring nia'mo suro battu lari mae ri balla'na Ayub na napabattu angkana, “O, karaeng, niaki battu tu Syeba ambakkai ikambe ri wattunna sitabang nipake appa'jeko sikamma sapia siagang sitabanna a'ruku' sikamma keledaia ri ampi'na. Narampasa' ngasemmi ke'nanga sikontu anjo olo'-oloka, siagang nabunomi sikamma atanta niaka anjoreng. Inakke mami anne atanta ta'lappasa' sanggengku akkulle battu a'laporo' mae ri katte.”

PAMMILANGNGANG 23:22

Allata'ala angngerangi ke'nanga assulu' battu ri butta Mesir; rapang tedong romang liara' a'bundu' ansambeangi ke'nanga.

AYUB 39:9

Apaka eroki sapi liaraka nupajama? Maka eroki a'bangngi lalang ri bara nupareka?

AYUB 39:11

Maka akkullei nurannuang buku magassinna, nampa nusuroi anjamangko jama-jamang terasa'nu?