AYUB 38:8 - KITTA' MATANGKASA'

⁸ Inaika antongkoki pakke'bu'na untu' antahangi je'ne' tamparanga, ri wattunna assulu' je'neka battu lalang ri battanna buttaya?

AYUB 38:8 Referans Kwoze

PA'JARIANG 1:9

Nampa Nakana Allata'ala, “Kuerokangi na'lo'loro' je'ne' niaka irawanganna langika mange ri se'reang tampa', sollanna kacinikang buttaya.” Nakajariammo anjo passalaka.

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

PANGNGEBARANG 8:29

ri wattunna Naparenta je'ne' tamparanga sollanna tena nalaloi pa'baeng-baenna. Inakke nia' tonga' hadere' anjoreng ri wattunna Napadongko' pa'lapa'na buttaya.

PAMMUJI 33:7

Sikontu je'ne' tamparanga Napasse'rei ri se'reang tampa', tamparang lompoa Natahangi lalang se're pannahangngang je'ne'.

AYUB 38:10

INakke ampattantui pa'baeng-baenna tamparanga lompoa siagang antahangi je'ne'na siagang pakke'bu' ta'joli.

AYUB 28:25

Ri wattunna Nasare kagassingang anginga, siagang Napattantu pa'baeng-baenna tamparanga;

AYUB 38:9

INakkemi ampayungi tamparanga siagang rammang, anrokoki siagang sassang.

PAMMUJI 104:6

Kikalimbuki siagang tamparang lompo, ammantangi je'ne'na ri coppo'-coppo' buluka.

PANGNGEBARANG 30:4

Tau kereanga le'ba' nai' naung ri suruga? Le'bakika angngangkang anging lalang limanna, siagang anroko' je'ne' lalang ri bajunna, yareka ampattantui pa'baeng-baenna linoa? Inaika anjo taua, siagang inai ana'na? Mattantu nuassengi!

YESAYA 40:12

Inai ambakuki tamparanga siagang pala' limanna, yareka angngukkuruki allaka siagang pa'lama'na? Inai ambakuki buttaya siagang pa'baku' yareka antimbangi monconga siagang buluka ammake dacing?

PAMMUJI 107:24

Naciniki ke'nanga sikamma panggaukanNa Batara, bate pare' appakalannasa'Na ri tamparanga.