AYUB 38:26 - KITTA' MATANGKASA'

²⁶ Inaika appaturung bosi ri parang lompoa, siagang ri tompo'na butta napammantangia rupataua?

AYUB 38:26 Referans Kwoze

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

PAMMUJI 107:35

Parang lompoa Napinrai a'jari kollang je'ne' butta kalotoroka Napa'jari timbuseng je'ne'.

AYUB 36:27

Nabesoki Allata'ala je'neka battu ri butta Napa'jari rammang nampa Napinra a'jari je'ne' bosi ammatti'.

AYUB 5:10

Appaturungi bosi ri buttaya, sa'genna nabasai kokoa siagang paranga.

AYUB 28:26

ri wattunna Napattantu tampa'na bosia turung, siagang oloang naoloa kilaka siagang gunturuka;

AYUB 37:13

Appaturungi Allata'ala bosi untu' ambasai buttaya, yareka untu' anghukkungi umma' rupataua; gassing tongi untu' Napappicinikang mae ri ke'nanga, antekamma tuli lompona pangngamaseanNa satunggu-tungguna.

AYUB 38:25

Inaika ampangngekeangi kaloro' bosi lompoa siagang assarei oloang gunturuka siagang kilaka?

PAMMUJI 65:12

Lanri kabajikanTa, taung-taungi Kipasadia kattoanga; kemaeKi' battu, anjorengi kala'bianga.

PAMMUJI 135:7

Battu ri cappa'na buttaya appabattui rammang, appareki kila' untu' bosi. Nampa Naparenta anginga sollanna assulu' battu ri tampa' pammolikanNa.

YEREMIA 10:13

Poro assareji bawang parenta, nammarummo je'neka battu ri passimbanga. Battu ri cappa'-cappa'na buttaya Napabattu rammanga, na Napare' kila' tassioroka lalang ri bosia, kammayatompa Nakiring anginga battu ri pammolikanNa.