AYUB 38:22 - KITTA' MATANGKASA'

²² Le'bakkako mange angkunjungi gudang-gudangKu tampa' je'ne' eska siagang je'ne' batua,

AYUB 38:22 Referans Kwoze

AYUB 37:6

Tu'guru'mi bosi eska lanri parentaNa, turummi bosi lompoa lanri passuroNa.

PAMMUJI 135:7

Battu ri cappa'na buttaya appabattui rammang, appareki kila' untu' bosi. Nampa Naparenta anginga sollanna assulu' battu ri tampa' pammolikanNa.

PAMMUJI 33:7

Sikontu je'ne' tamparanga Napasse'rei ri se'reang tampa', tamparang lompoa Natahangi lalang se're pannahangngang je'ne'.

AYUB 6:16

Sanrapangko binanga sannang siagang tagioka, lanri nitongko' ri bosi es siagang je'ne' a'batu.

PAPPICINI' 16:21

Turummi bosi es lompoa, massing ta'limampuloa kilo battala'na tassilitere'; tu'guruki battu rate ri langika nanatuju ngaseng rupataua. Natunraimi ke'nanga Allata'ala passabakkang anjo bala bosi es sannaka heba'na.

KALAPPASSANG 9:18

Ammuko bari'basa', ri wattu kamma-kammaya anne, lappabattuA' bosi es sannaka heba'na, tenayapa nale'ba' kajariang ri Mesir battu riolo sa'genna kamma-kamma anne.

YOSUA 10:11

Ri wattunna naung tu Amori battu ri pungku'na anjo monconga ampilari tantara Israel, appaturummi Batara bosi es lompo battu ri langika antujui ke'nanga ri aganga sa'genna mange ri Azeka. Jaiangngangi anjo mate nitujua ri es kala nibunoa ri tu Israel.

AYUB 38:23

Kuboli' untu' wattu kasukkarang, untu' wattu pa'bundukang siagang passibuno-bunoang?

YESAYA 30:30

LaNapappilangngerangi Batara sa'ra mala'biri'Na, nampa tunggala' taua lanakasiaki koasaNa hebaka. KalarroanNa lappabattui pepe' appamutunga, bosi lompo, bosi batu siagang anging lompo.

YEHEZKIEL 13:11

He, na'bi-na'bi takontutojenga, laruntungi tembo'nu. LappaturungA' bosi lompo. Anjo temboka lanitujui ri anging barubu siagang lanitujui ri bosi es,

YEHEZKIEL 13:13

Nakana Batara Kaminang Tinggia, “Lalang larroKu, lappabattuA' anging lompo, bosi lompo siagang bosi es untu' angngancuruki anjo temboka le'baka nupa'leoki,

PAMMUJI 147:16

Ia ampaturungi bosi eska sanrapang kapasa', ampakioroki saliuka sanrapang limbu'bu'.

PAMMUJI 147:17

Ia ampaturungi bosi eska sanrapang batu-batu ca'di; tena akkulle attahang andallekangi dinginna.