AYUB 38:17 - KITTA' MATANGKASA'

¹⁷ Niakka tau le'ba' ampicinikiangko pakke'bu' lompoa ri dallekanna lino kamateang sassang makkapuka?

AYUB 38:17 Referans Kwoze

PAMMUJI 9:13

Nasaba' Nau'rangi tau pa'risika taNakaluppaiyai piraunna ke'nanga; Nahukkungi tu pallaka panggaukanna.

PAMMUJI 107:18

Eroki ta'langnge nasa'ring ke'nanga mae ri sikamma kanrea, a'reppese'mi a'jala'na ke'nanga.

AYUB 3:5

Kipa'jari anjo alloa le'leng pakka', sassang makkapu' siagang anremeng; Kikalimbuki siagang saliu' na rammang, Kitongkoki natanatabaya singara'na alloa.

PAMMUJI 107:14

Naerangi ke'nanga assulu' battu ri kasassangnganga, nampa Natepo' rante bassi passikko'na ke'nanga.

PAMMUJI 107:10

Nia'mo ammantang lalang ri kasassangnganga, tau sessaya nitahang lalang rante bassia,

PAMMUJI 23:4

Manna kullalo ri ka'bung sassanga, tena kumalla' ri bahaya, saba' iKatte anrurunganga'. IKatte anjagaia' sanrapang pakalawaki anjagai gimbala'na siagang takkang na palu-palu lompo.

AYUB 12:22

Nasingari tampa'-tampa' anremenga; Nasiori bayang-bayang le'leng pakkaka.

MATIUS 4:16

Bansa niaka lalang ri sassanga accini'mi singara' accaya lompoa! Ri tau niaka lalang ri sassanna kamateanga Battumi cayana singaraka assiori!”

AMOS 5:8

Batara ampareki sikamma bintoenga ri langika – bintoeng Belanti' siagang bintoeng Kartika. Napinrai sassanga a'jari singara' siagang alloa a'jari bangngi; je'ne' battu ri tamparanga Natumpai nai' ri bontoa. Anggaukanga ngasengi anjo sikammaya iamintu Batara arenNa.

PAMMUJI 116:3

Lanatujua' bahaya kamateang; bala lompona kamateanga nabakkaia', kunapa'jari lussa' siagang malla'.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

AYUB 10:21

Tasalloami ku'lampa na kutammoteramo pole, mange ri pa'rasangang sassang siagang anremeng dudua,

AYUB 11:8

KoasaNa la'bi tinggi na langika; takkulleai nurapi' siagang nukayao. KoasaNa la'bi lantangi na linona tau matea, takkulleai nupahang ngaseng.

AYUB 26:6

Ri dallekanNa Allata'ala, tassungkei linona tau matea, tena tattongko' sa'genna Nacini'.

AYUB 34:22

Tena nikana sassang, manna pole antekamma pakka'na, akkulle ancokkoi tau dorakaya.