AYUB 37:5 - KITTA' MATANGKASA'

⁵ Lanri parentaNa Allata'ala, na'jarimo apa appakalannasaka, iamintu apa-apa tenaya nakkulle nipahang ri akkalatta.

AYUB 37:5 Referans Kwoze

AYUB 5:9

Yangaseng bate pare'Na Allata'ala tamaka heba'na; takkulleai nipahang. Gau'-gau' appakalannasa' Napareka, takkulleai nibilang na tena la'busu'na.

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

YESAYA 40:28

Maka tanuassengai siagang tanulangngerai? Batarami Allata'ala mannannungang, ampa'jari sikontu buttaya. Tale'bakai mangngang yareka poso; takkulleai niselangngi pikkiranNa.

KATO'BA 3:11

Ia ampattantui wattu kaminang cocoka untu' sikontu apa-apaya. Ia assareki' kaerokang untu' angngassengi allo lanidallekanga, mingka tanikulleai ampahangi gau'Na Allata'ala battu ri pakaramulanna sa'genna kala'busang.

AYUB 26:14

Mingka yangasenna anjo kammaya poro pammateiji ri kakoasanNa poro pa'bici'naji battua mae ri tolinta. Tamaka sike'de'na pammahanta ri passala' kahebakkanna koasaNa Allata'ala!”

AYUB 36:26

Tamaka mala'biri'Na Allata'ala, takkulleai niselangngi yareka nirekeng siapa sallona taunNa.

AYUB 9:10

Takkulleaki' ampahangi sikontu bate pare'Na, tanikulleai anrekengi sikamma gau' appakalannasa'Na.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

AYUB 11:7

Masakang akkullei nuselangngi bone mailalanNa Allata'ala? Masakang akkulleko ampahangi koasaNa?

AYUB 37:2

Pilangngeri sa'ranNa Allata'ala, he ikau ngaseng; pilangngeri gunturu' assuluka battu ri bawaNa.

AYUB 37:4

Nampa, nia' kalangngerang sa'ranNa ammarrung, sa'ra rammang siagang gunturu'; na ri alla'na anjo sa'ra a'galatturuka, akkila'-kila'mi kilaka ri kere-keremae.

AYUB 37:14

A'mereki mako sinampe', he Ayub, siagang pilangngeri anne; parhatikangi sikamma apa appakalannasa' gau'Na Allata'ala.

AYUB 37:16

Maka nuassengi antekamma batena allayang rammanga lanri kaporeanNa Allata'ala?

AYUB 40:9

Maka gassing kammako iNakke? Maka akkullei sa'rannu a'gunturu' kamma sa'rangKu?

PAMMUJI 29:3

Allata'ala malompoa a'gunturuki irateanna tamparanga, sa'ranNa kalangngerangi irateanna tamparang lompoa.

PAMMUJI 18:14

Nampa a'gunturu' Batara battu ri allaka; Kaminang Tinggia Napappilangngerangi sa'ranNa.