AYUB 37:3 - KITTA' MATANGKASA'

³ Nalappassangi kila'Na malla'bang lino; Nakiringi gunturu'Na sa'genna cappa'-cappa' linoa.

AYUB 37:3 Referans Kwoze

MATIUS 24:27

Nasaba' kabattuanNa sallang Ana' Ma'rupataua sanrapangi caya kila' tassioroka battu raya sa'genna kalau'.

AYUB 38:13

Le'bakko assuroi alloa anta'galaki buttaya siagang nabe'besang tau ja'dalaka battu ri tampa' paccokkoanna ke'nanga?

YESAYA 11:12

Lappanaiki Batara se're bandera untu' bansa-bansaya. Iaminjo pammatei angkanaya laNapasse'rei ammotere' bansa Israel siagang Yehuda ia tassiaraka mae ri sikontu buttaya, nampa naerang ke'nanga ammotere'.

PAPPICINI' 11:19

Nampa tassungkemo Balla'Na Allata'ala ri suruga, na kacinikammo Patti Parjanjianga ilalang. Nampa nia'mo kila' assisambung-sambung siagang sa'ra gunturu' a'gamarrung siagang a'garumbang, kammayatompa ta'ge'goso'mi buttaya nabosi sannaka sarrona, angngerang es.

PAMMUJI 97:4

Kila'Na assingari linoa, annekkereki buttaya anciniki.

PAMMUJI 77:13

Erokka' angngu'rangi sikamma apa le'baka Kigaukang, nakunawa-nawa sikamma bate pare' hebatTa.

AYUB 28:24

saba' Ia naciniki cappa'-cappa'na linoa; yangasenna niaka rawanganna langika Najannangngi.

AYUB 28:26

ri wattunna Napattantu tampa'na bosia turung, siagang oloang naoloa kilaka siagang gunturuka;

AYUB 37:4

Nampa, nia' kalangngerang sa'ranNa ammarrung, sa'ra rammang siagang gunturu'; na ri alla'na anjo sa'ra a'galatturuka, akkila'-kila'mi kilaka ri kere-keremae.

AYUB 37:11

Napierangngi rammanga siagang je'ne', naccaya rammanga nisingari ri kila'.

AYUB 37:12

Allayangi rammanga alla'bang lino, lanri parentaNa Allata'ala na'gio' ri kere-keremae.

AYUB 38:35

Siagang punna nusuro akkila'-kila' kilaka, maka battui ke'nanga angkana, “Iye' karaeng!”?