AYUB 37:1 - KITTA' MATANGKASA'

¹ “Anging lompoa ampa'jari mallaki nyawaku, a'dumba'-dumbaki barambangku napakamma.

AYUB 37:1 Referans Kwoze

LAMPA-LAMPANA 16:26

Sikamma tu nitarungku maraeng nalangngereki ke'nanga akkelong. Ti'ring ta'ge'goso' sanna'mi buttaya, sa'genna ta'ge'goso' tommo batu pundasina anjo tarungkua. Tassungke ngasemmi pakke'bu'na tarungkua, kammayatompa ta'lappasa' ngaseng tommi rantena tu nitarungkua.

LAMPA-LAMPANA 16:29

Appala'mi lampu anjo kapala tarungkua nampa lari antama'. Annekkere'mi nakkulantu' anynyomba ri dallekanna Paulus siagang Silas.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

AYUB 38:1

Nampa a'bicaramo Batara battu lalang ri anging lompoa mae ri Ayub, Nakana,

AYUB 21:6

Punna kunawa-nawa anne tallasakku annekkere'ma' lanri malla' duduku.

AYUB 4:14

Ta'bangka' na kuannekkere'; ta'ge'goso' sikontu tubuku, annekkere'.

KALAPPASSANG 19:16

Ri makatalluna alloa, ri bari'basa'na, battumi gunturuka siagang kilaka. Nia'mo ammumba rammang kapala' rate ri monconga siagang nia'mo kalangngerang sa'ra tarompe' sannaka lompona sa'ranna. Annekkere' ngasemmi sikontu taua ri kemaya napakamma malla'.

PAOLE 33:22

Ri sesena suku Dan nakana: “Rapang sikayu singa rungka, iaminjo suku Dan. a'lumpa' assulu' battu ri Basan.”

AYUB 36:33

Sa'ra gunturu' a'jari pannanrai angkana labattui anging lompoa, manna olo'-olo' piaraya naasseng tongi angkanaya laniaki anging puttusuka.”

AYUB 37:2

Pilangngeri sa'ranNa Allata'ala, he ikau ngaseng; pilangngeri gunturu' assuluka battu ri bawaNa.