AYUB 36:27 - KITTA' MATANGKASA'

²⁷ Nabesoki Allata'ala je'neka battu ri butta Napa'jari rammang nampa Napinra a'jari je'ne' bosi ammatti'.

AYUB 36:27 Referans Kwoze

PAMMUJI 147:8

Iami ampaka'rangi rammanga' ri langi'; Ia ampasadiai bosia mae ri buttaya, siagang ampatimboi rukuka ri buluka.

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

PAMMUJI 148:8

he kila' siagang bosi eska siagang rammanga, anging kancang mannurukia ri parentaNa Batara!

AYUB 38:34

Akkulleko ampakkiokangi parentaya mae ri rammanga, siagang napiturungiko bosi lompo?

AYUB 36:33

Sa'ra gunturu' a'jari pannanrai angkana labattui anging lompoa, manna olo'-olo' piaraya naasseng tongi angkanaya laniaki anging puttusuka.”

AYUB 5:9

Yangaseng bate pare'Na Allata'ala tamaka heba'na; takkulleai nipahang. Gau'-gau' appakalannasa' Napareka, takkulleai nibilang na tena la'busu'na.

AYUB 5:10

Appaturungi bosi ri buttaya, sa'genna nabasai kokoa siagang paranga.

AYUB 36:26

Tamaka mala'biri'Na Allata'ala, takkulleai niselangngi yareka nirekeng siapa sallona taunNa.

AYUB 36:28

Napaturungi bosia battu ri rammanga; Napasirangi irateanna rupataua.

AYUB 37:6

Tu'guru'mi bosi eska lanri parentaNa, turummi bosi lompoa lanri passuroNa.

AYUB 37:11

Napierangngi rammanga siagang je'ne', naccaya rammanga nisingari ri kila'.

YEREMIA 10:13

Poro assareji bawang parenta, nammarummo je'neka battu ri passimbanga. Battu ri cappa'-cappa'na buttaya Napabattu rammanga, na Napare' kila' tassioroka lalang ri bosia, kammayatompa Nakiring anginga battu ri pammolikanNa.

AYUB 28:26

ri wattunna Napattantu tampa'na bosia turung, siagang oloang naoloa kilaka siagang gunturuka;

PANGNGEBARANG 3:20

Lanri pangngassenganNa naNapare' sikamma kabattuanna je'neka irawa ri reppe'na buttaya nampa napalo'loro' je'ne'na kammayatompa rammanga ri langi' appatiri' je'ne' ri buttaya.

ZAKHARIA 10:1

Punna battu wattu accu'la'na lamung-lamunga, appalakko bosi mae ri Batara. Na laNapa'rappungi Batara rammang lappaturunga bosi, siagang laNapaturungi bosi lompoa sa'genna a'jari moncongbulo nicini' sikamma kokoa siagang a'jari baji' mange ri yangasenna taua.