AYUB 36:22 - KITTA' MATANGKASA'

²² U'rangi, angkana anjo Allata'ala tamaka lompona koasaNa. Maka nia' guru naagang sangkamma heba'Na?

AYUB 36:22 Referans Kwoze

LUKAS 1:52

Napanaung ri empoanna sikontu tu nikaraengang napanai' ri tinggia, sikontua tu nihina.

ROMA 13:1

Yangasenna taua musti mannuruki mae ri pamarentaya; nasaba' tena pamarenta tabattua ri Allata'ala kakoasanna. Siagang anne pamarenta ri kamma-kammaya anne, napajappai kakoasanna situru' Napassuroanga Allata'ala.

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

DANIEL 4:32

Lanibongkako battu ri pa'rappunganna rupataua, nampa attallasakko siagang olo'-oloka ri paranga. Lalang tuju taung langnganreko ruku' sangkamma sapi. Le'baki anjo lanumangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga nipassareangi mae ri nai-nai Napilea.”

DANIEL 4:25

Lanibongkai karaengku battu ri pa'rappunganna rupataua nampa attallasa' ri alla'na olo'-olo' niaka ri paranga. Lalang tuju taung langnganreki' ruku' kamma sapi karaeng, siagang attinroki' ri parang tassungkea, sa'genta lanibasai ri allung. Le'baki anjo lakianimi karaeng, angkanaya Allata'ala Kaminang Tinggia makoasa mae ri kakaraenganna rupataua, siagang anjo kakaraenganga Napassareangi mae ri nai-nai Napilea.

YEREMIA 31:38

Nakana Batara, “Lanarapiki sallang wattunna sikontu Yerusalem lanibangungi ammotere' a'jari kotaKu, battu ri Menara Hananeel sa'genna Pakke'bu' Lompo Panyingkuluka.

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YESAYA 14:5

Napa'le'ba'mi Batara pamarentahanna sikamma pamarenta ja'dalaka,

PAMMUJI 94:12

Mate'nei tau Kiajaraka, o, Batara, tau Kiajaraka hukkung-hukkunTa.

PAMMUJI 94:10

Ia angngajaraki bansa-bansaya, maka tenaka Nahukkungi taua? Ia a'jari guru mae ri sikontu taua, maka tena pangngassenganNa?

PAMMUJI 75:7

Saba' tena nabattu raya yareka battu lau' pangngadelanga tena todong nabattu wara' yareka battu timboro'.

AYUB 35:11

siagang assareai akkala' baji' rupataua la'biangngang na jangang-jangang siagang olo'-olo' ri lino.

YOHANES 6:45

Nia' tattulisi' lalang ri Kitta'-kitta'na Na'bi-na'bia angkanaya, ‘Sikontu rupataua laniajaraki ri Allata'ala.’ Jari sikontu tau ampilangngeri Manggea siagang appilajara' ri Ia, battu ngasengi mae ri Nakke.

AYUB 21:22

Maka akkullei rupataua angngajaraki Allata'ala na KalenNa Allata'ala angngadeli apa attallasaka ri suruga?

AYUB 33:12

He Ayub, sala sikali antu panggappanu! Saba' lompoangangi Allata'ala na rupataua.

PAMMUJI 25:5

Ajaraka' siagang renrenga' untu' attallasa' situru' erotTa, saba' iKattemi Allata'ala ampasalamaka', tuli manrannuanga' mae ri Katte.

PAMMUJI 119:102

Tena kubalang parekangi hukkunTa, saba' iKatte angngajarakka'.