AYUB 35:8 - KITTA' MATANGKASA'

⁸ Parannuji bawang tau nipakarugi ri dosa-dosanu. Iatommi upa' lanri kabajikannu.

AYUB 35:8 Referans Kwoze

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

LAMPA-LAMPANA 27:24

Nakana anjo malaekaka, ‘Teako mallakki Paulus! Nasaba' lamangeko andallekang ri Karaenga ri Roma. Lanri kabajikanNa Allata'ala mae ri kau, nasikontu anne tau nuaganga assombala', lanipasalama' ngasengi passabakkang ikau.’

YUNUS 1:12

Appialimi Yunus angkana, “Buanga' antama ri tamparanga, ma'nassa lammari anging lompoa. Nasaba' kamma-kamma anne kuassemmi angkanaya passabakkang inakke nanatuju ngasengko anne bombang lompoa.”

YEHEZKIEL 22:30

Ri alla'na anjo tu Israel, a'boyA' tau akkullea ambangung tembo', yareka ammenteng ri tampa'-tampa' runtunga tembo'na untu' ampartahangkangi anjo pa'rasanganga punna erokKa' angngancuruki lalang a'bettese'na larroKu; mingka manna sitau tania' Kubuntulu'.

KATO'BA 9:18

A'matu-matuangngangi kacara'dekanga kala sanjataya, mingka silisere' tai balao anra'massi je'ne' sigumbang.

PAMMUJI 106:30

Mingka ambangummi Pinehas anghukkungi tau salaya, nammarimo anjo garringa.

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

AYUB 42:8

Jari, angngalleko kamma-kamma anne tuju kayunna sapi laki siagang tuju kayunna bembe laki, nampa a'lampako mange ri Ayub. Passareang ngasengi anjo sikammaya, a'jari koro'bang untu' kalennu. Lappala' doangi Ayub untu' ikau ngaseng, nampa laKupilangngeri pappala' doanna. Tena nalaKupakasirikko, manna nusiratang annarima hukkungang. Teai kammatojenga nupau ri passala'na KalengKu, mingka Ayub napaui kammatojenga.”

YOSUA 22:20

U'rangi, anjo Akhan ana'na Zerah taerokai anturuki parentaNa Batara ri passala'na barang-barang mustia niancuru'; nampa apa kale'bakkanna? Nihukkungi sikontu umma' Israel! Akhan bawang doraka, mingka teai kale-kalenna bawang mate!”

PA'JARIANG 19:29

Kammaminjo kajarianna ri wattunna Napanraki Allata'ala anjo kota-kotaya, ri lappara' napammantangia Lot. Angngu'rangi Allata'ala ri Abraham, sa'genna natulummo Lot ampilari anjo tampaka.

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

AYUB 35:7

Lanri a'gau' baji'nu, tena nanubantui Allata'ala. Tojeng, tena apa-apa Naparalluang battu ri kau.

AYUB 35:9

Tau nijallakkanga, akkunrareng; ammarrangi ke'nanga appala' tulung.