AYUB 35:15 - KITTA' MATANGKASA'

¹⁵ Nukapangi angkana tena Nahukkungi Allata'ala taua siagang tena Naparhatikangi gau' salaya.

AYUB 35:15 Referans Kwoze

PAMMUJI 89:32

punna tena najampangi apa le'baka Kupattantu siagang nabalang parekang paratorangKu,

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

LUKAS 1:20

Anne apa kupaua, ma'nassa la'rupai punna narapi'mo wattunna. Mingka lanri tenana nutappa', la'jari pepe mako; na iapa nukkulle a'bicara ammotere', punna a'rupamo anne apa kupauangangko.”

AYUB 13:15

Tena kujampangi lanri tappu' minasama'! Punna ero' Allata'ala ambunoa', kupassareang mami kalengku, mingka kupattojengi panggaukangku ri dallekanNa.

AYUB 9:14

Jari antekamma lakkulle kugeakki? Kana-kana apa lakupialiangi?

AYUB 4:5

Mingka anne kamma kalennu natuju susa; ta'bangkako, nutappu' minasa.

PAMMILANGNGANG 20:12

Mingka nikalarroimi Musa siagang Harun ri Batara, angkana, “Lanri kurang tappa'nu sipa'rua mae ri Nakke untu' ampa'nyatai kakoasangKu matangkasaka ri dallekanna bansa Israel, tena nalanupimping ke'nanga antama' ri pa'rasangang Kupa'janjianga mae ri ke'nanga.”

AYUB 35:14

O, Ayub, la'biangampa punna ikau nukana angkanaya tena nanuciniki, angkanaya nia'mi parkaranu ri dallekanNa na sanna'mo batena nutayang!

AYUB 35:16

Sia-siaji nupannarrusu' bicarannu; Singara'mi angkana tena nupahangi apa nupaua.”

KATO'BA 8:12

Manna sibilangngang kaja'dallang nagaukang se'rea tu doraka, tuli attallasa'na, ba'lalo la'bui umuru'na. Bedeng, nakana taua inai mannuruki ri Allata'ala, mattantu sarro bajiki tallasa'na.