AYUB 35:14 - KITTA' MATANGKASA'

¹⁴ O, Ayub, la'biangampa punna ikau nukana angkanaya tena nanuciniki, angkanaya nia'mi parkaranu ri dallekanNa na sanna'mo batena nutayang!

AYUB 35:14 Referans Kwoze

AYUB 9:11

Allaloi ri dallekangku, mingka takucinikai; numaloi ri sa'ringku, mingka tena na'nyata mae ri nakke.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PAMMUJI 62:5

Ero' ngaseng jako bawang antu'gurangi battu ri empoang tinggina. Ikau ngaseng nungai a'balle-ballea; nangai assare barakka' bawanu, mingka attunrako lalang atinnu.

AYUB 23:3

Ah, ka'de'ji nakuasseng kemae tampa' Napammantangngi, sollangku akkulle a'lampa, mange assibuntulu' siagang Ia.

AYUB 19:7

A'jalloka' lanri anjo kapallakkang kammaya, mingka tena manna sitau amparhatikanga'. Akkioka' angkana, ‘Kemae kaadelanga’, mingka tena tau allangngereki sa'rangku.

AYUB 9:19

Jari apaka musti kuewai a'gassingang? Mingka ciniki, antekamma heba'na kagassinganNa! Ebara' angkana kupaui ri Ia angkana kukabattallangi, inai barani langkioki mange ri pangadelang?

AYUB 31:35

Tenaka tau ero' ampilangngeri kana-kanangku? Assumpa' angkana annaba ngasengi anjo kupaua. Dasi-dasi Napialia' Kaminang Koasaya. Ebara' angkana tuduhanna musua mae ri nakke nitulisi' ngasengi sa'genna kucini',

AYUB 35:15

Nukapangi angkana tena Nahukkungi Allata'ala taua siagang tena Naparhatikangi gau' salaya.

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

YESAYA 8:17

Le'baki Batara Nacokko KalenNa battu ri turunganna Yakub, umma'Na, mingka inakke tappaka' siagang manrannuanga' mae ri Ia.

PIRAUNG 3:58

BattuKi' antulunga' ri kara-karaku o Batara, naKipasalama'mo nyawaku.