AYUB 34:9 - KITTA' MATANGKASA'

⁹ Nakana, tena matu-matunna punna usaha taua anggaukangi ero'Na Allata'ala.

AYUB 34:9 Referans Kwoze

AYUB 35:3

Sala pahangko punna akkuta'nangko, angkana apa pangaru dosanu mae ri Ia; siagang passawallang apa lanugappa punna tena nu'gau' dosa.

MALEAKHI 3:14

Nukana ngaseng, ‘Tena matu-matunna taua anynyomba ri Allata'ala. Apa matu-matunna nigaukang kawajibanta mae ri Batara Kaminang Koasaya, yareka nipappicinikang mae ri Ia angkanaya assesse' lalang maki' ri kasalanta?

PAMMUJI 37:4

Boyai mate'nea ri Batara, Iami lampassukkukko ri nakaerokia pa'mai'nu.

AYUB 27:10

Mustina nakkuki ri kassannangang battua ri Allata'ala, siagang tena mangnganna appala' doang mae ri Ia.

AYUB 22:17

Iaminjo ke'nanga barani antollaki Kaminang Koasaya, na nakapang angkana takkulleai a'gau' apa-apa mae ri ke'nanga.

AYUB 21:30

Nakana ke'nanga, ‘Ri allo appabattuNa hukkungang Allata'ala, lanipasalamaki sikamma tau ja'dalaka.’

PAMMUJI 50:18

Punna accinikko sitau palukka', amminawangko ri ia, siagang sileporangko siagang tau nangaia a'gau' salimara'.

PAMMUJI 73:13

Sia-siaji kujagai katangkassanna atingku; tena matu-matunna kupakabella kalengku battu ri dosaya.

AYUB 22:3

Maka nia' matu-matunna mae ri Allata'ala, punna nugaukang ero'Na? Apaka nia' passawalanna mae ri Ia, punna sukku' baji'na tallasa'nu?

YESAYA 58:3

Akkuta'nangi anjo bansaya angkana, “Apa matu-matunta taua appuasa punna tena Naciniki Batara? Apa matu-matunta nipakatuna kalenta punna tena Naparhatikangki'?” Nakanamo Batara, “Sikontutojenna, lalang appuasanu, nuboyami kaparalluang kalennu na nupacco' sikamma tungnganre gajinu.