AYUB 34:33 - KITTA' MATANGKASA'

³³ Maka lakkullei Naturuki Allata'ala pappala'nu, punna tena nanusitujui panggaukanNa Allata'ala? Kamma-kamma anne ikau musti angngalle kaputusang, teai inakke. Paumi apa panggappanu!

AYUB 34:33 Referans Kwoze

PAMMUJI 135:6

Nagaukangi apa Nakaerokia, ri langi' siagang ri butta, ri tamparang siagang ri tamparang lompo sannaka lantanna.

AYUB 33:32

Mingka punna nia' ero' nupau, a'bicara mako; na punna ma'nassa annabako, inakke rella' mangaku.

IBRANI 11:26

Naassengi Musa angkanaya la'bi lompoangangi anggaranna nipakatunaya lanri Karaeng Mappasalama' Napa'janjianga Allata'ala, naia anggappaya sikamma kakalumanynyangang battu ri butta Mesir; nasaba' pahala untu' allo ri bokoa narannuang Musa.

IBRANI 2:2

Anjo pappasang-pappasang napabattua sikamma malaekaka mae ri boe-boeta a'nyatami angkana ma'nassa tojengi, siagang inai-nai tena napinawangi yareka tena naturuki musti anggappai hukkungang siratannaya.

ROMA 11:35

Maka inai le'ba' assare apa-apa mae ri Batara sa'genna akkulle annuntu' pa'balasa' battu ri Ia?”

ROMA 9:20

Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”

YESAYA 45:9

Cilakai tau eroka a'gea' siagang Mappa'jarina; rapangi uring butta angngewayai tumappare'na. Maka akkuta'nangi butta pika mae ri papare' uring buttaya, angkana, “Apa antu nupare'?” Maka akkunrarengi anjo uringa angkanaya tena kacara'dekanna anjo tumappare'na?

PANGNGEBARANG 11:31

Punna lannarima todong pa'balasa' tau bajika ri anne linoa, mattantumi langgappana hukkungang tau ja'dalaka siagang tau dorakaya.

AYUB 41:11

Inai akkulle ambakkai natalokoka? Tena tau ri linoa anne akkulle anggaukangi.

AYUB 34:11

Nahukkungi taua situru' panggaukanna, Nagauki taua situru' gau'na.

AYUB 33:5

Jari, punna akkullei pialia' sinampe'. Pasadia memammi pappialinnu.

AYUB 18:4

Anjo larronu poro kalennuji napa'risi. Apaka musti tappelaki pandudu'na buttaya lanri untu' kaparalluannu, siagang nipalette' sikamma monconga battu ri tampa'na?

AYUB 15:31

Punna tappaki mae ri apa tenaya matu-matunna, lanitipumi; na sambe lanatarimaya, tena todong matu-matunna.

AYUB 9:12

Punna anrampasaki, inai barani ampisangkai? Yareka barani akkuta'nang angkana, ‘He, apa Nupare'?’

AYUB 34:34

Sikontu tau cara'deka mattantu lanasitujui; tau cara'de' ampilangngeriai kanangku lanakana

YEREMIA 25:28

Na punna taeroka ke'nanga antarimai anjo kaca pangnginunganga battu ri limannu untu' angnginungi anggoro'na, pauangi angkanaya Batara Kaminang Koasaya amparentakangi anjo.

PAMMUJI 50:21

Iaminjo nugaukang, mingka a'merekijA' bawang, jari nupikkiri'mi angkana sangkammA' ikau. Mingka kamma-kamma anne Kucallako, na yangasenna anjo Kupa'nyatai mae ri kau.