AYUB 33:6 - KITTA' MATANGKASA'

⁶ Mae ri Allata'ala, ikau siagang inakke tena sisalata battu ri butta pi' ngaseng jaki' nipa'jari.

AYUB 33:6 Referans Kwoze

AYUB 4:19

La'bipa apa attallasa' nipareka battu ri butta pi', limbu'buka nipare', akkullea niti'rasa' rapang alitana!

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

2 KORINTUS 5:1

Nasaba' naassemmi ikambe angkanaya punna nibongkara' anne balla' nipammantangia ri lino, iamintu pangngebarranna tubuta, le'ba' memammi Napasadia Allata'ala balla' niaka ri suruga; iamintu balla' Napareka KalenNa Allata'ala siagang akkullea attahang sa'genna satunggu-tungguna.

AYUB 31:35

Tenaka tau ero' ampilangngeri kana-kanangku? Assumpa' angkana annaba ngasengi anjo kupaua. Dasi-dasi Napialia' Kaminang Koasaya. Ebara' angkana tuduhanna musua mae ri nakke nitulisi' ngasengi sa'genna kucini',

AYUB 20:22

Ri wattu sangganamo kala'bianna, battumi pa'risika siagang susaya antujui.

AYUB 13:12

Sikontu pappasailenu sanrapangi limbu'bu' tenaya matu-matunna; alasannu sanrapangi butta pi' gampanga atte'ngere'.

AYUB 10:9

Kiu'rangi angkana battu ri butta pi' nakiparekka'! Masa' laKipa'jari limbu'buka' ammotere'?

KALAPPASSANG 4:16

Ia musti a'bicarai lalang arennu ri dallekanna ra'yaka. Ia la'jari juru bicaranu siagang lanapasangkammako angkanaya Allata'ala ampaui anjo apa mustia napau.

PA'JARIANG 30:2

Larromi Yakub ri Rahel na nakana, “Inakke anne teaiya' Allata'ala. Iami ampa'jariko tanggappaya ana'.”

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

AYUB 13:3

Mingka erokka' a'bicara siagang Kaminang Koasaya; erokka' ampattojengi parkaraku ri dallekanNa Allata'ala.

2 KORINTUS 4:7

Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.