AYUB 33:27 - KITTA' MATANGKASA'

²⁷ Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

AYUB 33:27 Referans Kwoze

ROMA 6:21

Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!

2 SAMUEL 12:13

Nampa nakanamo Daud ri Natan, “Dorakama' mae ri Batara.” Appialimi Natan angkana, “Le'ba' maki' Napammopporang Batara; jari tena kilamate karaeng.

PAMMUJI 14:2

Battu ri suruga Naciniki Batara umma' rupataua untu' amboyai tau annabaya siagang anynyombaya ri Ia.

ROMA 7:22

Atingku lalang nangai apa-apa Napassuroanga Allata'ala,

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

ROMA 7:16

Jari, punna ia anjo apa-apa sisalaya siagang erokku kugaukang, battuanna kumangakuimi angkanaya annabai anjo hukkung-hukkung agama Yahudia.

LUKAS 18:13

Mingka anjo pasingara' simaya bellai ammenteng siagang tena nabarani acconga nai' ri langika. Napurusu'mi barambanna na nakana, ‘O, Allata'ala, Kikamaseanga', anne inakke tau dorakaya!’ ”

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

YEREMIA 3:13

Akuimi angkanaya salako siagang anjari baliko mae ri Batara, Allata'alanu. Akuimi angkanaya le'baki nupassareang pangngainnu mae ri rewata-rewatana bansa maraenga irawanganna poko'-poko' kayu lompoa, siagang tena numannuruki ri parenta-parentaKu. INakke, Batara, anne a'bicara.”

YEREMIA 2:8

Sikamma imanga tamakkuta'nangngai angkana kemaeA', Batarana. Sikamma tau appaentenga hukkung tanaassengA', sikamma pamarentaya nabaliangA'. Lalang arenna Rewata Baal na'bicara sikkamma na'bia, siagang anynyomba ri barhala tenaya matu-matunna.”

KATO'BA 5:8

Ba'lalo manna karaenga tanjeng tongi mae ri wassele' kattoa.

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

PANGNGEBARANG 15:3

Naciniki Batara sikontu apa kajarianga ri sikontu tampa'; Naparhatikangi sikontu apa bajika siagang ja'dalaka.

PAMMUJI 119:128

Lanri kamma nakuttallasa'mo situru' sikontu pitunjutTa; panggaukang ammengkaya kukabirisi.

PAMMUJI 11:4

Batara niaki ri Balla' matangkasa'Na, empoang kala'biranNa niaki ri suruga. Najannangngi umma' rupataua na Naasseng sikontu panggaukanna ke'nanga.

AYUB 34:9

Nakana, tena matu-matunna punna usaha taua anggaukangi ero'Na Allata'ala.

AYUB 7:20

He Pajagaku, apaka rugiKi' lanri dosaku? Angngapa na inakke Kipare' pallio-lio ri panaTa? Battala' sikalika dosaku antujuKi'?

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

PAMMILANGNGANG 12:11

angkanami mae ri Musa, “Tulungi ikambe Tuang, teaki' lappassangi ikambe nisessa lanri dosa nagaukanga ikambe lalang kadongokanna ikambe.

PA'JARIANG 16:13

Akkuta'nammi Hagar lalang ri pa'mai'na angkana, “Maka kucini' tojemmi Allata'ala, Ia anjampangiai kalengku?” Naaremmi anjo Batara a'bicaraya ri kalenna, “Allata'ala Manjampangia”.

PANGNGEBARANG 5:21

Naciniki Batara sikontu apa-apa nagaukanga rupataua. Manna kemae lampana rupataua, tuli nijannangngi ri Batara.

AYUB 34:32

Le'ba'kami nupala' sollanna nipicinikiangko salanu? Le'ba' mako assumpa angkana lanupamarimi anjo panggaukang kammaya?

PAMMUJI 103:10

Tena Nahukkungki' simbattala'na dosata, yareka Nabalasakki' simbattala'na kasalanta.

YEHEZKIEL 14:23

Nampa nupahang tommo angkanaya anjo sikontu tindakangKu nia' alasanna. INakke Batara Kaminang Tinggia anne akkana.”