AYUB 33:23 - KITTA' MATANGKASA'

²³ Nakulle kapang kalase'renna sisa'bua malaeka'Na Allata'ala ampakaingakai rupataua ri tugasa'na, labattu antulungi.

AYUB 33:23 Referans Kwoze

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

KATO'BA 7:28

Kuboya iji pappiali maraenga, mingka tenamo nakugappai. Ri sisa'bua tau, nia' kugappa sitau bura'ne kupakalompoa. Mingka tena ri ke'nanga kugappa baine akkulle kuanggara'.

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

HAGAI 1:13

Nampa napabattu Hagai mae ri ra'yaka pasanNa Batara angkanaya a'janji Batara ero' anjagai ke'nanga.

DANIEL 9:14

IKatte, o Karaeng Allata'alana ikambe, le'ba' anghukkungi ikambe iamintu bala le'baka Kipasadia; tindakanTa tuli annabai siagang adeleki, mingka ikambe tamappilangngeria ri kananTa.

PIRAUNG 3:32

Punna le'bakki' Nasare kaballassang lamangngamaseangi antu mae ri katte, lanri tuli Nakamaseanta ri pangngai tamattappu'Na.

PAMMUJI 119:75

Kuassengi angkanaya adeleki kaputusanTa, o, Batara, le'ba'ma' Kihukkung lanri tamamminraTa,

PAMMUJI 94:12

Mate'nei tau Kiajaraka, o, Batara, tau Kiajaraka hukkung-hukkunTa.

AYUB 37:23

Tamaka lompona koasaNa Allata'alata; takkulleaki' anreppesi, tuli lambusu'Na siagang adele'Na; tale'bakai Najallakkang rupataua.

AYUB 36:3

Jai pangngasengangku; lakupa'matu-matui anjo untu' ampa'nyatai angkanaya adeleki Mappa'jariku.

AYUB 35:14

O, Ayub, la'biangampa punna ikau nukana angkanaya tena nanuciniki, angkanaya nia'mi parkaranu ri dallekanNa na sanna'mo batena nutayang!

AYUB 34:32

Le'ba'kami nupala' sollanna nipicinikiangko salanu? Le'ba' mako assumpa angkana lanupamarimi anjo panggaukang kammaya?

AYUB 34:12

TaNagaukangngai Allata'ala Kaminang Koasaya nikanaya kaja'dallang; sikontu taua Nasare ngaseng kaadelang.

AYUB 34:10

He sikamma tau cara'deka, pilangngeri sai! Maka lakkullei Allata'ala Kaminang Koasaya anggaukangi kasalanga?

AYUB 11:6

Siagang dasi-dasi nanipauangko ri Ia, angkanaya anjo kacara'dekanga jai lampa-lampana, siagang takkulleai napahang rupataua. Mingka angngu'rangiko angkana tena nasiapa pa'risi'nu, punna nipasitimbangi hukkungang siratanga nutarima.

AYUB 9:3

Punna nia' sisa'bu pakkuta'nanNa Allata'ala, manna se're takkulle napiali rupataua.

NEHEMIA 9:33

Adeleki tindakanTa, Kihukkungi anne ikambe dorakaya; tuli majarrekKi', manna jai callanna ikambe.

HAKING-HAKING 2:1

A'lampami Malaeka'Na Batara battu ri Gilgal mange ri Bokhim. Na nakana mae ri tu Israelka, “Le'ba' mako Kupasulu' battu ri butta Mesir, nampa Kuerangko mange ri pa'rasangang le'baka Kupa'janjiang mae boe-boenu. Le'ba' tommako Kupauang angkana, ‘Tena nalaKutappu' anjo passikko' janjingKu mae ri kau.

ROMA 11:13

Mingka kamma-kamma anne bajiki punna a'bicara' mae ri sikamma sari'battang bansa maraenga. Anne siapaya sallona, a'jariku tunisuro mae ri bansa-bansa maraenga, teai sipato' kupakalompona anjo jama-jamangku.

LAMPA-LAMPANA 8:30

Mangemi Filipus a'reppese' ri anjo karetaya, nanalangngere'mo anjo taua ammaca Kitta' Yesaya. Akkuta'nammi Filipus ri anjo taua nakana, “Maka kipahanji battuanna anjo apa kibacaya?”

PA'JARIANG 40:8

Appialimi ke'nanga angkana, “Ri bangngia massing asso'nai ikambe. Nampa tena tau angngassengi apa battuanna.” Nakanamo Yusuf, “Allata'alaji bawang akkulle assarei taua pakkulle untu' ampakasingaraki battuanna so'naya. Cobasai bedeng carita anjo so'nanu.”

YESAYA 59:16

Lannasaki lanri tenana tau maju siagang tenana appattojeng. Jari Napakemi kakoasang KalenNa untu' ampasalamaki siagang assarei ke'nanga pammetang.

AYUB 9:33

Mingka tena haking ri alla'na ikambe akkulle angngadeli ikambe sipa'rua.