19 Napasailei Allata'ala taua nappabattu garring sa'genna pa'risi' sibatu kalenna.
Ri wattu bangngi tilu ngaseng buku-bukungku; tenammarina anno'do' pa'risi'na.
Mingka punna Nahukkungki' Allata'ala, laNacambokki', sollanna tena nanataba tongki' hukkungang lantujuai anne linoa.
Memang bajiki lanri Kihukkunga' sollanna kuasseng sikamma katantuanTa.
Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.
Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.
Ri tenanapa nihukkunga', ammengka sala', anne kamma anna'gala' jarre'ma' ri parentaTa.
Mate'nei tau Kiajaraka, o, Batara, tau Kiajaraka hukkung-hukkunTa.
Manna narungka siagang pore, mingka poro sinampe'ji na'jari limbu'bu' bawang.
Punna mangea' tinro, kamma ta'beso' la'bui bangngia; nakkuka' ri allo, takkullea' sannang anra'ba.
Ri taung makatallumpulo assalapang ammarentana Asa, natabami garring lompo rua-rua bangkenna. Mingka manna nakamma tena nappala' pannulung mae ri Batara, passangalinna mae ri dottoroka.
Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.
U'rangi, angkanaya Karaeng Allata'alanu angngajarakko rapang se're mangge angngajaraki ana'-ana'na.
Saba' sila'busu' alloa' natuju nakasa'; bari'-bari'basakka' nisessa.
Mingka kutepoki koasana tau pallaka, na kupasalama' tau eroka napa'jari koro'banna.
Yangasenna apa-apaya nia' wattunna siagang nia' massing carana, mingka sike'de' duduji nipahanga!