AYUB 31:9 - KITTA' MATANGKASA'

⁹ Ebara' le'baka' cinna mae ri turiballa'na siampi' ballakku, siagang kutoa' cokko-cokko battu ri bokona pakke'bu',

AYUB 31:9 Referans Kwoze

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

1 KARAENG-KARAENG 11:4

sa'genna ri wattu toana akkullemi ninyonyo' ri ke'nanga anynyomba ri rewata-rewata maraenga. Daud, manggena Salomo, majarreki mae ri Batara, Allata'alana. Mingka Salomo tena nasangkamma manggena.

HAKING-HAKING 16:5

Nia'mo lima tu anna'gala' koasa ri Filistin battu mange ri anjo bainea. Nakanamo ke'nanga, “Nyonyo'mi Simson sollanna ero' ampauangko angkana apa rahasia kagassinganna, siagang antekamma carana nakkulle tappela' anjo kagassinganna. Jari akkullemi battu ikambe untu' ansikkoki nanibeta. Nisarepako sallang doe' pera', massing-massingki' assareko sisa'bu assibilangngang sitau.”

HOSEA 7:4

Sangnging tau a'bali' ballang siagang tau tamattantua ngaseng nyawana ke'nanga. Pangngabirissinna ke'nanga rapangi pepe' lalang ri pattunuang tenaya nanipicorai pepe'na ri papare' rotia lalang tenanapa nasadia leokanna untu' nitunu.

YEREMIA 5:8

Rapangi ke'nanga jarang laki co'mo' siagang sannaka balere'na; massing eroki ke'nanga ri tubai'-bainena aganna.

PANGNGEBARANG 22:14

Panynyonyo'na baine salaya sangkammai sikko'; tau nikalarroia ri Batara loposoki antama'.

PANGNGEBARANG 6:25

Teako erokki nigoda ri kaga'ganna ke'nanga, teako takkontakki mae ri mata manynyonyo'na ke'nanga.

NEHEMIA 13:26

Kukana, “Sai iatommi anne dosa kammaya nagaukang Karaeng Salomo? Tena karaeng lompoangngang naia ri anne linoa. Nikamaseangi ri Allata'ala siagang nipa'jari karaeng ri sikontu bansa Israel. Mingka manna nakamma, ninyonyo'mi ri bai'-baine bansa maraeng untu' a'gau' dosa.

PANGNGEBARANG 7:21

Kammaminjo batena anjo bainea angngodoki anjo tau rungkaya siagang kana-kana panynyonyo' angngontaka, sa'genna nigodamo anjo lapung tau rungka.

AYUB 31:1

“Le'ba'ma' assumpa siagang janji talaniakkami cinnaku anciniki tau loloa.

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

PAOLE 5:21

Teako kacinnai barang-baranna parannu tau: kammaya balla'na, buttana, bainenna, ata-atanna, olo'-olo'na, keledaina yareka manna apa-apa mamo napatanga parannu tau.’

PANGNGEBARANG 6:27

Maka akkullekai taua anriwa pepe' natanikanrea ri pepe' bajunna?