AYUB 31:39 - KITTA' MATANGKASA'

³⁹ ebara' angkana la'busuki wassele'na kukanre, na kubalang parekang cipuru' pamarri allamungai,

AYUB 31:39 Referans Kwoze

1 KARAENG-KARAENG 21:19

pabattui mae ri ia angkana iNakke, Batara akkana kammA' anne, ‘Le'bakko ammuno, anrampasakko pole! Lanri kammana anjo, cera'nu lanilepaki ri kongkong, ri tampa'na kongkong-kongkonga allepaki cera'na Nabot!’ ”

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

YEHEZKIEL 22:6

Sikontu pamimpinna tu Israel napattoangi kagassingang kalenna siagang nagaukangi ammunoa.

YESAYA 26:21

Laturungi Batara battu ri pammantanganNa ri suruga untu' anghukkungi linoa siagang pandudu'na lanri dosana ke'nanga. Pammunoang le'baka nagaukang cokko-cokko ke'nanga lanisungke ngasengi. Tenamo nalanitongko' ri butta sikamma tau mate nibunoa.

PANGNGEBARANG 1:19

Kamma memangi, angkanaya tau ammakea katerassang a'boya dalle', nyawana tonji ke'nanga lanapabayara'.

PA'JARIANG 4:12

Punna a'lamung-lamungko latena apa-apa wassele'na; la'lampako mange-mange siagang latena pammantangannu ri lino.”

AYUB 24:6

Tarpassa kokonna tumaraenga najama; rappo anggoro' tau ja'dalaka musti napasse're.

AYUB 24:10

A'lampai tu kasi-asia tamaccare-care; cipuruki ri wattu akkattona gandung ri kokoa.

YEREMIA 22:13

Cilakai tau ambangungai balla'na siagang tena naadele', kammayatompa ampa'la'bangi kajekkonganna. Cilakai tau assuroa anjama nampa tena nasarei gajina taua.