AYUB 31:33 - KITTA' MATANGKASA'

³³ Tau maraenga nacokkoi dosana, mingka inakke tena kule'ba' appakamma anjo ke'nanga.

AYUB 31:33 Referans Kwoze

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

HOSEA 6:7

Mingka sangkamma Adam, nudakkai janjinnu mae ri Nakke.

LAMPA-LAMPANA 5:8

Nakanamo Petrus ri ia, “Pauang sabeka': Maka sikamma tojeng anne ballinna anjo tana le'baka nubalukang siagang bura'nennu?” Appialimi nakana, “Tojeng-tojenga', iamintu ballinna.”

YOSUA 7:11

A'gau' dosami tu Israel. Le'ba'mi Kuparentakang mae ri ke'nanga sollanna naturuki parjanjiangKu siagang ke'nanga, mingka nadakkaimi ke'nanga anjo parentaKu! Sikamma barang-barang mustia niancuru', naallei ke'nanga. Nalukkaki ke'nanga siagang nacokkoi ri alla'na barang-baranna ke'nanga sollanna tena nakaassengang.

PA'JARIANG 3:12

Appialimi anjo bura'nea angkana, “Anjo baine Kipassareanga angngaganga' ansarea' anjo rappoa, sa'genna kukanre.”

PA'JARIANG 3:10

Appialimi anjo bura'nea angkana, “KulangngerekKi' nia' ri kokoa. Mallaka' nakuaccokko lanri assolarakka'.”

AYUB 31:32

Tassungkei ballakku mae ri tau kabangngianga; tale'bakai kulappassang ke'nanga a'bangngi ri aganga.

PAMMUJI 32:5

Nampa kumangakuimo dosaku mae ri Katte, tenamo kasalangku kucokkoi. Kutappukimi ri pa'maikku untu' angngakui mae ri Katte, na Kipammopporang ngasemmo sikontu dosaku.

2 KARAENG-KARAENG 20:15

Akkuta'nammi pole Yesaya angkana, “Apa nacini' ke'nanga ri balla' karaenga?” Appialimi Hizkia angkana, “Yangaseng-ngasenna! Tena manna sike'de' apa-apa niaka lalang ri pammolikang barang-baranna balla' kakaraenganga takupappicinikang mae ri ke'nanga.”