AYUB 31:32 - KITTA' MATANGKASA'

³² Tassungkei ballakku mae ri tau kabangngianga; tale'bakai kulappassang ke'nanga a'bangngi ri aganga.

AYUB 31:32 Referans Kwoze

IBRANI 13:2

Teako battala' pa'maiki antarimai ri balla'nu tau tenayapa nuassengi. Nasaba' lanri nugaukanna anjo kammaya, nale'ba' nia' tau antarimai malaekaka ri balla'na, na tanaassenga angkanaya malaeka' anjo natarimaya.

1 PETRUS 4:9

Paralluko massing sitoana baji' ri balla'nu, siagang teako akkunrarengi.

ROMA 12:13

Tulungi parannu tu Karisteng ampa'gannaki kaparalluanna, siagang pakate'nei atinnu antarimai julu tappa'nu tenaya nuassengi ke'nanga antama' ri balla'nu.

MATIUS 25:35

Nasaba' ri wattungKu cipuru' nusareA' kanre, ri wattungKu turere nusareA' je'ne inung. Ri wattungKu a'jari tau battu-battu nualleA' nupariballa'.

1 TIMOTIUS 5:10

niassemmi angkanaya nangai a'gau' bajika, kammaya: le'ba'mi napakalompo baji' ana'-ana'na, nangai annarimaya toana a'bangngi ri balla'na, nalayani tau tappaka, siagang natulungi tau susaya; bodona kana, le'ba'mi nagaukang tojeng-tojeng a'rupa-rupaya jama-jamang baji'.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

HAKING-HAKING 19:15

Assengkai ke'nanga anjoreng untu' a'bangngi, na'lampamo ke'nanga antama ri kotaya nampa mange ammempo ri lapanganga. Mingka tena manna sitau angkioki ke'nanga mange a'bangngi ri balla'na.

HAKING-HAKING 19:17

Ri wattu nacini'na anjo tau toaya anjo tu Lewia nia' ri lapanganga, akkutanammi angkana, “Battu kemaeko sari'battang, siagang la'lampa kemaeko?”

AYUB 31:31

Tau anjamaya ri nakke naassengi, angkana inai-nai kutoana ri ballakku.

AYUB 31:33

Tau maraenga nacokkoi dosana, mingka inakke tena kule'ba' appakamma anjo ke'nanga.

AYUB 29:16

Mae ri tu kasi-asia inakke a'jari rapang mangge; mae ri tubattu-battua, inakke angngalleangangi.