AYUB 31:31 - KITTA' MATANGKASA'

³¹ Tau anjamaya ri nakke naassengi, angkana inai-nai kutoana ri ballakku.

AYUB 31:31 Referans Kwoze

PANGNGEBARANG 1:18

mingka anjo tau ja'dalaka ba'lalo kalenna tonji ke'nanga natannangngi sikko', iamintu sikko' lambalai kalenna ke'nanga.

PAMMUJI 35:25

TeaKi' lappassangngi ke'nanga angkana ri pa'mai'na, “Sukkuru' maki', kale'ba'mi nipattaena nyawana. A'jarimi pattujunta!”

PAMMUJI 27:2

Punna nibakkaia' ri tu ja'dala' eroka ambunoa', ke'nanga latatto'ro na tu'guru'.

AYUB 22:7

Tau posoa tena nusarei je'ne' inung, tau cipuruka tena nupirarai kanre.

AYUB 19:22

Tulusu' nijallakkangku ri Allata'ala, angngapa numminawang turu' ri Ia anjallakkanga'? Tenapa nasangga pa'mai'nu ansessa'?

1 SAMUEL 26:8

Nakanamo Abisai ri Daud, “Napassareammi Allata'ala musunnu anne bangngia mae ri kau. Pa'biamma' nakupokei siagang poke kalenna sa'genna attimbusu' naung ri buttaya, sikalimo bawang kucoka, teami napinruang!”

1 SAMUEL 24:10

Kamma-kamma anne kalenta angkasiaki angkanaya ilalang ri kali'bonga sumpaeng, Napassareammi Batara kalenta mae ri atanta. Nia'mo tau anynyonyoka' sollanna kubunoki', mingka tena nakuero'. Appiali atanta angkanaya taerokai atanta ampa'risi karaenna atanta le'baka Napile Batara.

1 SAMUEL 24:4

Nampa nakanamo ana' buana Daud ri ia, “Iaminne kasampatanta bapa'! Sai le'baki Nakana Batara ri katte angkanaya, ‘LaKupassareangi musunnu mae ri kau, gaukammi apa nukaerokia mae ri ia!’ ” Nampa a'lampa cokko-cokkomo Daud mange ri tampa'na Saul nampa nakere' cokko-cokko sike'de' biring jubana.

AYUB 31:32

Tassungkei ballakku mae ri tau kabangngianga; tale'bakai kulappassang ke'nanga a'bangngi ri aganga.

AYUB 19:15

Ata bainea nakaluppaima', karaenna ke'nanga; napasangkamma' tau tenaya naassengi ke'nanga.

AYUB 29:16

Mae ri tu kasi-asia inakke a'jari rapang mangge; mae ri tubattu-battua, inakke angngalleangangi.

AYUB 30:25

Sai sipangngarrukanga' siagang tau susaya, siagang kukamaseangi tau kakuranganga?

YESAYA 58:10

Sarei kanre tau cipuruka siagang tulungi sikamma tau nijallakkanga. Punna nugaukang anjo kammaya, la'jari singara'mi sikamma sassanga ri tammulilinu, rapang singara'na alloa.