AYUB 31:30 - KITTA' MATANGKASA'

³⁰ Tena kuppala' doang sollanna mate musungku; tale'baka' anggaukangi dosa kammaya anjo.

AYUB 31:30 Referans Kwoze

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

ROMA 12:14

Pappalakkangi barakka' mae ri Allata'ala tau pallaka panggaukanna mae ri kau. Pappalakkangi barakka', tea' laloko sarei kana-kana pattunra.

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

YAKOBUS 3:6

Anjo lilaya sanrapangi pepeka. Iami akkulle nakabattui kaja'dallanga lalang ri batangkalenta; akkullei a'la'bang anjo kaja'dallanga mae ri sikontu batangkalenta battu ri anjo lilaya. Akkullei ammutung sikontu katallassanta napakamma pepe' battua ri naraka, passabakkang lilata.

MATIUS 12:36

Jari u'rangi laloi anne: ri Allo Kiamaka sallang, massing lanatanggong jawakki rupataua sikontu bicaranna tenaya matu-matunna.

KATO'BA 5:6

Sangkamma jaina so'na tena battuanna, kamma tomminjo jai bicara tena matu-matunna. Mingka malla' lalo mako mae ri Batara.

KATO'BA 5:2

Pila' ranggaselai taua, pila' akkullei anggappa so'na kodi. Pila' jai bicara, pila' akkullei taua appasulu' kana-kana tolo.

AYUB 5:3

Le'baka' accini' tau tolo; teai sipato' baji'na tallasa'na nicini'. Mingka ti'ring mami kutunrai tampa' pammantanganna.

PAMMUJI 7:4

O, Batara Allata'alaku, ebara' kodi sipaka', a'gau' ja'dala' ri belaku, yareka kupakarugi natena saba'na, ebara' kammai panggaukangku,