AYUB 31:24 - KITTA' MATANGKASA'

²⁴ Tale'bakai kurannuang barang-barangku,

AYUB 31:24 Referans Kwoze

PANGNGEBARANG 11:28

Inai ampattoangi barang-baranna, larunangi sanrapang leko' toa; tau bajika la'bakkaki sanrapang cu'la' loloa.

PAMMUJI 52:7

Mingka ikau lanipossokko ri Allata'ala satunggu-tungguna; nijakkalakko siagang nire'resangko battu lalang ri balla'nu, siagang nipa'lanynyakko battu ri linona tau attallasaka.

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

1 TIMOTIUS 6:10

Nasaba' battu ri sipa' cinnayami ri doe' ammumba a'rupa-rupaya kaja'dallang. Nia' sipa'gang tau angngondang dudu doe' siagang tenamo naturuki pangngajarang Karistenga, sa'genna nituju ke'nanga ri jai kasessang angngancurukai atinna ke'nanga.

PANGNGEBARANG 30:9

Saba', punna kalumanynyanga', gassingka kukana sallang angkana tenamo kuparalluangKi'. Na punna kasi-asia', gassingka a'lukkaka' sa'genna kura'massi arenTa.”

PANGNGEBARANG 10:15

Kakalumanynyangngang alla'langi tu kalumanynyanga, tallasa' ta'ronang-ronang angngancuruki tu kasi-asia.

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

PAMMUJI 49:17

Teako mallakki punna nia' tau a'jari kalumanynyang, na pila' katambang pa'barang-baranganna.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

PA'JARIANG 31:1

Nalangngere'mi Yakub akkana kamma anne ana'-ana'na Laban, “Naallemi Yakub sikamma pa'barang-baranganna bapatta. Yangasenna anjo kakalumanynyanganna sangnging barang-barang battu ri bapatta.”

MARKUS 10:23

Nacinikimi Isa ana'-ana' gurunNa, nampa Nakana ri ke'nanga, “Sukkara' sikali tau kalumanynyanga la'jari umma'Na Allata'ala!”

AYUB 22:24

Pela'mi bulaennu kaminang ti'noka; pasambilai antama' ri binanga tenayamo je'ne'na.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

YEHEZKIEL 28:5

Memang, ikau cara'dekko a'danggang siagang kamma-kamma anne kalumanynyang kalupepeang mako; nampa anjo kakalumanynyangngannu napa'jari tampo mako!’ ”