AYUB 31:19 - KITTA' MATANGKASA'

¹⁹ Punna kucini' tau kakuranganga, ta'liwa' kasi-asi untu' ammalli pakeang,

AYUB 31:19 Referans Kwoze

AYUB 22:6

Punna takkullea nabayara' inranna sari'battannu, nurampasa' ngasengi pakeanna.

1 YOHANES 3:18

Sikamma ana'-anakku! Teako ri bawanuji yareka ri bicarannuji bawang mangngamaseang. Mingka paralluki' mangngamaseang tojeng-tojeng, siagang nipa'butti lalang ri panggaukanta.

YAKOBUS 2:16

Apa matu-matunna punna nukana ri anjo taua, “Salamakko ammake pakeang kammu' siagang salamakko ri mangnganrenu!” – punna tena nusarei anjo apa naparalluia ri tallasa'na?

LAMPA-LAMPANA 9:39

Ammentemmi linta' Petrus, nampa a'lampa ampinawangi anjo tunisuroa battu. Battuna ke'nanga mange anjoreng, nierammi Petrus nai' ri kamara' rateanga. Battu ngasemmi janda niaka anjoreng angngarru', allipungi Petrus. Napaccinikammi ke'nanga mae ri Petrus sikamma baju-bajua siagang juba-juba najaika Dorkas, eroka napassareang Dorkas ri ke'nanga ri wattu attallasa'na.

LUKAS 3:11

Appialimi Yohanes nakana, “Tau niaka ruang lawara' bajunna, musti napassareangi silawara' mae ri tu tenaya bajunna. Na tau niaka kanrena, musti nabagei tongi tu tenaya kanrena.”

MATIUS 25:43

Ri wattungKu a'jari tu battu-battu taerokako ampariballakKa'. Tena Kuccare-care, natanusareA' care-care. GarringA' siagang nitarungkuA', natena nuparakaiA'.’

MATIUS 25:36

Tena care-carengKu nusareA' care-care. GarringA' nuparakaiA'. NitarungkuA' nanutulungA'.’

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

AYUB 29:13

Nipujia' ri tau sannaka lompona kasusaanna, kutulungi sikamma jandaya sa'genna amang nasa'ring ke'nanga.

AYUB 24:4

Narompai tu kasi-asia anggappai ha'na, jari tarpassa accokkomi tukamase-masea.

2 PATTOTTORANG 28:15

Nampa ammenteng nai' anjo appaka pamimping untu' angngurusuki anjo sikamma tunitahanga. Napa'bage-bageammi ke'nanga pakeang nirampasaka mae ri anjo tunitahanga ia parallua. A'bage tongi ke'nanga sapatu, kanre-kanreang siagang inung-inungang. Sikamma tunitahang lokoka niballei minynya' zaitun. Ia tena dudua nakullei a'jappa nipanaiki ri keledaia, nampa nierang kabusu' anjo tunitahanga mange ri Yerikho, kota jaia poko'-poko' koro'ma, sollanna akkulle ammotere' ke'nanga mange ri pa'rasanganna ri Yehuda. Le'baki anjo ammotere'mi tu Israel mange ri Samaria.

AYUB 31:18

Battu ri ca'dina kuparakai ke'nanga; kupimpingi ke'nanga lalang tallasakku.

AYUB 31:20

kukammuki siagang kaeng kalimbu' battu ri bulu gimbalakku, kulanapuji silambusu'na pa'mai'na.