AYUB 31:15 - KITTA' MATANGKASA'

¹⁵ Sai Allata'ala ampa'jaria', na Ia todong ampa'jari sikamma anjo atangku?

AYUB 31:15 Referans Kwoze

PANGNGEBARANG 14:31

Inai a'gau' baji' mae ri tu kasi-asia, napakala'biriki Allata'ala; inai anjallakkangi tau lammaya, nahinai Tumappare'na.

PANGNGEBARANG 22:2

Tau kalumanynyanga siagang tu kasi-asia nia' sangkammanna: Batara ngaseng ampa'jari ke'nanga.

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

MALEAKHI 2:10

Sai sangkammaji mangge nipa'juluia ngaseng? Sai sangkamma ngaseng jaki' nipa'jari ri Allata'ala? Punna kamma, angngapa nakimassing takkaluppa ri parjanjiang Napareka Allata'ala siagang boe-boeta?

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

AYUB 10:3

Apa Kisawala' punna Kijallakkanga' kamma anne, siagang Kipela' bate pa'jari kalenTa? Apa Kisawala' punna Kiiyoang panggappana siagang rancanana tau ja'dalaka?

NEHEMIA 5:5

Sai ikambe anne tu Yahudi tonjaki'? Sai ana'na ikambe sangkamma tonji ana'-ana' tu Yahudi maraenga? Mingka manna nakamma tarpassa nalappassammi ana'-ana'na ikambe a'jari ata. Ba'lalo nia'mo ana' tulolonna ikambe le'ba' nibalukang a'jari ata. Tenamo pakkullena ikambe lanri le'ba'mi napappita'gallang kokonna siagang koko anggoro'na ikambe.”

AYUB 4:17

‘Maka akkullei taua tena salana ri dallekanNa Allata'ala? Maka akkullei tena callana ri dallekang matanNa Mappa'jarina?

AYUB 31:14

Punna tena, antekamma bateku musti andallekang ri Allata'alaku? Apa pialingku punna battu sallang angngadelia'?

PAMMUJI 119:73

IKattemi ampa'jaria' siagang amparekka', Kisarea' pammahang untu' ampilajari sikamma parentaTa.