AYUB 30:30 - KITTA' MATANGKASA'

³⁰ A'jari le'lemmi bukkulengku; rapang nitunumi kalengku ri rammusu'.

AYUB 30:30 Referans Kwoze

PIRAUNG 4:8

Mingka kamma-kamma anne tamakami le'lenna ke'nanga ammonrang ri tangnga-tangngana aganga na taenamo nanirupa ri taua. Toami bukkulenna anrokoki buku-bukunna, rapangi kayu kalotoro' dudua.

PAMMUJI 102:3

TeaKi' allei rupanTa battu ri nakke punna niaka' lalang kasusaang. Kipilangngeria' punna akkioka', siagang Kipialia' linta'.

PAMMUJI 119:83

Akkapurru'mi bukkulengku sanrapang pammoneang anggoro' toa, mingka tena nakukaluppai katantuanTa.

PIRAUNG 5:10

Sessai ikambe napakamma cipuru' sa'genna kamma a'barami bukkulenna ikambe rapang pappalluang.

PIRAUNG 3:4

A'bokka'-bokka' kalengku napakamma, na tepo' buku-bukungku.

AYUB 2:7

A'lampami lapung Panggoda battu ri dallekanNa Batara, nampa napa'jari puru lompomo sibatu kalenna Ayub, battu ri pala' bangkenna sa'genna nai' ri cappa' ulunna.

AYUB 17:14

Jerakku kuarengi ‘Manggeku’, na gallang-gallang angkanreai tubuku kusa'buki ‘Ammakku’ siagang ‘Sari'battang baineku.’

AYUB 30:17

Ri wattu bangngi tilu ngaseng buku-bukungku; tenammarina anno'do' pa'risi'na.

PIRAUNG 1:13

Napaturungi pepeka battu ri langi' akkanrea sa'genna antama' ri atingku. Attannangi sikko' ri dallekangku untu' antu'guranga'. Nampa Nalappassanga' kale-kalengku ballasa' sila'busu' allo.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

PAMMUJI 102:4

Tappelaki tallasakku sanrapang umbu; a'barai buku-bukungku sanrapang pepe'.