AYUB 30:23 - KITTA' MATANGKASA'

²³ Kuassengi, angkana Kieranga' mange ri lino kamateanga, tampa'na nipasse're sikamma apa attallasaka.

AYUB 30:23 Referans Kwoze

IBRANI 9:27

Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.

KATO'BA 9:5

Minang sike'de'na, tau attallasaka naassengi angkana attayangi a'jala'na, nampa tau matea tena apa-apa naasseng. Mae ri ia tena passawallang yareka pa'balasa', siagang nikaluppaimi arenna.

KATO'BA 8:8

Tena manna sitau akkulle antahangi yareka ampamonoki wattu kamateanna. Anjo parjuangang kammaya takkulleai naliliang, takkulleai ta'lappasa' battu ri ia, manna pole appare' akkala' yareka annipu.

AYUB 21:33

Assa'bui tau a'jappa anrurungangi maya'na; nampa nitambungi baji'mo ri butta.

AYUB 14:5

Jaina umuru'na rupataua le'ba'mi Kipattantu; siapa jaina bulanna le'ba'mi Kipa'nassa. Kipattantu tongi pa'baeng-baeng tallasa'na; tena olona lakkulle nadakkai.

AYUB 3:19

Anjoreng sangkamma ngasengi taua: tau masahoro' siagang tau tenaya niassengi arenna. Siagang bebasa'mi kale'bakkanna sikamma ataya.

2 SAMUEL 14:14

Ikatte lamate ngasengki'; ikatte anne rapangki' je'ne' tattumpaya naung ri buttaya siagang tenaya nakkulle nipasse're ammotere'. Manna Allata'ala tena todong nalaNapattallasa' ammotere' tau mateamo; lanri kammana anjo poro kiusahai laloi karaeng sollanna akkulle ammotere' poleang tau nipelaka.

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

AYUB 10:8

Inakke anne bate pare' limanTa', masa' laKipanrakia' kamma-kamma anne?

YOSUA 23:14

Kamma-kamma anne narapi'mi wattungku lamate. Ikau ngaseng, massing baji' ngaseng nuassenna angkanaya Batara Allata'alanu le'ba' assareko sikontu apa baji' Napa'janjianga. Sikontu janjinNa le'ba' ngasemmi Narupai, tena manna se're taNarupai.