AYUB 3:5 - KITTA' MATANGKASA'

⁵ Kipa'jari anjo alloa le'leng pakka', sassang makkapu' siagang anremeng; Kikalimbuki siagang saliu' na rammang, Kitongkoki natanatabaya singara'na alloa.

AYUB 3:5 Referans Kwoze

PAMMUJI 23:4

Manna kullalo ri ka'bung sassanga, tena kumalla' ri bahaya, saba' iKatte anrurunganga'. IKatte anjagaia' sanrapang pakalawaki anjagai gimbala'na siagang takkang na palu-palu lompo.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YESAYA 9:2

O, Batara, Kisarei ke'nanga karannuang lompo, Kipa'jari ke'nanga makkio' rannu. Rannui ke'nanga lanri kabajikanTa, rapang tau a'rannu-rannua wattu napasse'rena wassele' kattoanna, yareka a'bage barang nirampasa'.

AYUB 28:3

Nitarrusuki sassang pakkaka, tampa' kaminang lantanga nisalidiki. Anjoreng, lalang ri sassanga, a'boya taua batu-batuang.

LUKAS 1:79

kammaminjo na Nasingari sikontu taua niaka lalang ri sassang siagang kamallakkang. Nauluki' mange ri oloang a'lampa mangea ri kabajikanga.”

MATIUS 4:16

Bansa niaka lalang ri sassanga accini'mi singara' accaya lompoa! Ri tau niaka lalang ri sassanna kamateanga Battumi cayana singaraka assiori!”

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

AYUB 38:17

Niakka tau le'ba' ampicinikiangko pakke'bu' lompoa ri dallekanna lino kamateang sassang makkapuka?

AYUB 24:17

Sanna' malla'na ke'nanga mae ri bari'basaka, mingka sassang dudua, nakasannangngi.”

IBRANI 12:18

Tena nasangkamma apa-apa nudallekanga siagang apa-apa nadallekanga bansa Israel riolo. Nasaba' ia ke'nanga andallekangi apa akkullea nita'gala', iamintu Bulu' Sinai siagang pepe'na a'rinra-rinraya; andallekangi ke'nanga sassang makkappu' siagang anging lompo;

AMOS 8:10

Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

AMOS 5:8

Batara ampareki sikamma bintoenga ri langika – bintoeng Belanti' siagang bintoeng Kartika. Napinrai sassanga a'jari singara' siagang alloa a'jari bangngi; je'ne' battu ri tamparanga Natumpai nai' ri bontoa. Anggaukanga ngasengi anjo sikammaya iamintu Batara arenNa.

YO"EL 2:2

Anjo alloa sassang makkapuki, rassi allung anremeng-remeng. Para battui tantara katimbanga rapang rammang takka'ranga irate ri moncong. Tena le'bakai battu kajariang kammaya, na tena todong nalakajariang ribokoangannaya.

YEHEZKIEL 34:12

sangkamma sitau pakalawaki amboyai siagang ampa'rappungi sikamma gimbala'na tassiaraka nampa naparakai ke'nanga. LaKuerangi ke'nanga ammotere' battu ri sikontu tampa'na tassiara' ri anjo allo sassanga siagang battuna balaya.

YEREMIA 4:28

Lasusai buttaya, sassang makkapuki langika. Le'ba'mi akkana Batara siagang talaNapinrayami rancanaNa. Le'ba'mi Napattantu Natappuki talammonokai manna sike'de'.

PAMMUJI 107:14

Naerangi ke'nanga assulu' battu ri kasassangnganga, nampa Natepo' rante bassi passikko'na ke'nanga.

PAMMUJI 107:10

Nia'mo ammantang lalang ri kasassangnganga, tau sessaya nitahang lalang rante bassia,

PAMMUJI 44:19

Tena natakkaluppa atinna ikambe mae ri Katte; tena nadakkai ikambe parentaTa.

AYUB 16:16

Eja rupangku lanri angngarru'; akkambang na gau' tompo' matangku.

PAOLE 4:11

Caritai mae ri ana'-ana'nu antekamma batenu battu siagang ammenteng ri bangkenna anjo moncong nitongkoka ri umbu sassanga rapang rammang kapalaka siagang a'rinraya pepe'na sa'genna nai' ri langika.

AYUB 3:4

O, Allata'ala, Kipa'jari sassang laloi anjo alloa, pela'mi ri pangngu'ranginTa sa'genna lanynya'; tea tongKi' lappassangi caya singaraka ansingari.

AYUB 3:6

Poro nipattaena lalomi anjo bangngia battu ri bilanna taunga siagang bulanga; teami naniu'rangi pole, tea tommi nibilangngi.

AYUB 34:22

Tena nikana sassang, manna pole antekamma pakka'na, akkulle ancokkoi tau dorakaya.