AYUB 3:21 - KITTA' MATANGKASA'

²¹ Nangaiangngangi ke'nanga kuburuka kala barang-baranga, attayang mate, mingka tena battuna.

AYUB 3:21 Referans Kwoze

PAPPICINI' 9:6

Limambulangi sallona nausahai ke'nanga ero' mate, mingka takkulleai mate ke'nanga; eroki ke'nanga mate, mingka bellai kamateanga battu ri ke'nanga.

PANGNGEBARANG 2:4

Boyai anjo kammaya sanrapang a'boya bulaeng, siagang ondangi anjo kammaya sanrapang angngondang pakkalumanynyangngang taccokkoa.

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

YUNUS 4:3

Kamma-kamma anne, o Batara, boli'ma' kamma mate, nasaba' bajikangnganga' matea naia attallasaka.”

1 KARAENG-KARAENG 19:4

nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

PAMMILANGNGANG 11:15

Punna tuli nipakamma' anne Batara, Kikamaseanga'; bajikangngang bunoma' linta' sollanna tenamo nakukasiaki anne kasessang kammaya.”

AYUB 3:22

Nampami akkulle nikasia' mate'nea punna matemo ke'nanga na nitarawang.

YEREMIA 8:3

Na sikamma tau attallasaka ija battu ri anne bansa ja'dalaka, le'baka Kupasiara' mange-mange, lala'bi erokangngangi matea kala attallasaka. INakke, Batara Kaminang Koasaya, anne akkana.”

AYUB 6:8

Angngapa nakuttu Allata'ala ampilangngeri pappala' doangku? Angngapa natena Naparhatikangi pakkiokku?

AYUB 6:9

Poro ero' lalo Allata'ala allicaka'! Poro Nabuno laloma'!

AYUB 7:15

Sa'genna kungaiangngang niaccekanga kunampa mate kala attallasaka lalang anne kapa'risanga ri kalengku.

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

KATO'BA 4:2

Angngiri mata' angngu'rangi tau salloamo mate, lanri mate'neangngammi ke'nanga kala tau attallasaka ija.