AYUB 29:25 - KITTA' MATANGKASA'

²⁵ Inakke anna'gala' pimpinang, siagang angngalle kaputusang. Kupimping ke'nanga rapang karaeng ri tangngana pasukanna, na kusaleori ke'nanga lalang si'nana.”

AYUB 29:25 Referans Kwoze

HAKING-HAKING 11:8

Appialimi ke'nanga angkana, “Battui ikambe, lanri eroki ikambe angngangkakko untu' ampimpingi sikontu taua ri Gilead untu' ambunduki bansa Amon ri kamma-kammaya memang anne.”

PA'JARIANG 41:40

Ikaumi lakuangka' a'jari guburnur, siagang sikontu ra'yakku lamannuruki ri parentanu. Inakkeji bawang la'bi koasa irateangannu.”

AYUB 31:37

Lakupauangi Allata'ala sikontu apa kugaukanga; lalompoi pa'maikku siagang laccongai ulungku andallekang ri Ia.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

PAOLE 33:5

Ri wattu asse'rena Israel siagang pamimpinna, Batara a'jari Karaeng mae ri umma'Na.”

AYUB 16:5

Lakupakajarreki pa'mai'nu siagang siapa are pappitangara'; kana-kanangku lassareko panynyaleori.

AYUB 29:24

Ta'muria' ri ke'nanga ri wattunna tappu' minasa ke'nanga; rupa mate'neku antambai sumanga'na ke'nanga.