AYUB 28:26 - KITTA' MATANGKASA'

²⁶ ri wattunna Napattantu tampa'na bosia turung, siagang oloang naoloa kilaka siagang gunturuka;

AYUB 28:26 Referans Kwoze

AYUB 38:25

Inaika ampangngekeangi kaloro' bosi lompoa siagang assarei oloang gunturuka siagang kilaka?

AYUB 37:3

Nalappassangi kila'Na malla'bang lino; Nakiringi gunturu'Na sa'genna cappa'-cappa' linoa.

ZAKHARIA 10:1

Punna battu wattu accu'la'na lamung-lamunga, appalakko bosi mae ri Batara. Na laNapa'rappungi Batara rammang lappaturunga bosi, siagang laNapaturungi bosi lompoa sa'genna a'jari moncongbulo nicini' sikamma kokoa siagang a'jari baji' mange ri yangasenna taua.

AMOS 4:7

INakke ampisangkai turung bosia ri wattu paralluna ri je'ne' lamung-lamunnu. INakke appaturung bosi mae ri kota se'rea siagang tena ri kota maraenga. Koko se'rea anggappai bosi, nampa koko maraenga kalotoroki.

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

PAMMUJI 148:8

he kila' siagang bosi eska siagang rammanga, anging kancang mannurukia ri parentaNa Batara!

AYUB 38:27

Inaika ansirangi butta kalotoroka siagang ta'ronanga sa'genna accu'la ngaseng sikontu timbo-timboanga?

AYUB 37:11

Napierangngi rammanga siagang je'ne', naccaya rammanga nisingari ri kila'.

AYUB 36:32

Najakkalaki kilaka siagang limanNa nampa Nasuro akkila' ri apa laNatujua.

AYUB 36:26

Tamaka mala'biri'Na Allata'ala, takkulleai niselangngi yareka nirekeng siapa sallona taunNa.

AYUB 28:27

iaminjo wattua naNacini' kacara'dekanga, Nauji anggaranna, nampa Nasare pangngellaiNa.

AYUB 37:6

Tu'guru'mi bosi eska lanri parentaNa, turummi bosi lompoa lanri passuroNa.

AYUB 38:26

Inaika appaturung bosi ri parang lompoa, siagang ri tompo'na butta napammantangia rupataua?

PAMMUJI 135:7

Battu ri cappa'na buttaya appabattui rammang, appareki kila' untu' bosi. Nampa Naparenta anginga sollanna assulu' battu ri tampa' pammolikanNa.

PANGNGEBARANG 8:22

Inakke Napa'jari Batara a'jari uru-urua, inakkemi bate pare'Na ri pakkaramulaya ri jammang riolo dudu.

AYUB 36:27

Nabesoki Allata'ala je'neka battu ri butta Napa'jari rammang nampa Napinra a'jari je'ne' bosi ammatti'.

AYUB 36:29

Tena manna sitau ampahangi gio'na rammanga siagang sa'ra gunturuka ri langi' pammantanganNa Allata'ala.

AYUB 37:2

Pilangngeri sa'ranNa Allata'ala, he ikau ngaseng; pilangngeri gunturu' assuluka battu ri bawaNa.

AYUB 37:4

Nampa, nia' kalangngerang sa'ranNa ammarrung, sa'ra rammang siagang gunturu'; na ri alla'na anjo sa'ra a'galatturuka, akkila'-kila'mi kilaka ri kere-keremae.