AYUB 28:17 - KITTA' MATANGKASA'

¹⁷ Bulaenga siagang kaca alusu' takkulleai sangkamma anggaranna, takkulleai nibayara' siagang paramata bulaeng toa.

AYUB 28:17 Referans Kwoze

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 21:11

siagang suara'na kammayatompa kala'biranNa Allata'ala. Accillaki anjo kotaya sangkamma batu paramata, sangkamma batu baiduri moncongbulo sannaka ci'nonna kamma kaca.

PAPPICINI' 4:6

Nia' todong ri dallekanna anjo empoang kala'biranga sangkammaya nicini' tamparang kaca, sannaka ci'nonna nicini'. Ri tammulilina anjo empoang kala'biranga, iamintu ri sikamma sa'rinna, nia' appa' anu attallasa', sannaka jaina matanna ri dallekanna siagang ri bokona.

YEHEZKIEL 1:22

Irateanna anjo apa-apa attallasaka nia' ta'bantang sangkamma pattongko' battu ri kaca accillaka.

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

AYUB 28:16

Bulaeng siagang paramata kaminang ka'jalaka takkulleai napasangkammai anggaranna.

PANGNGEBARANG 8:10

Anggaraki pappakaingakku la'biangngang na pera' ti'noka paralluangngangi pangngassenganga la'biangngang na bulaeng ti'noka.

PANGNGEBARANG 25:12

Pappasailena tau cara'deka mae ri tau eroka mappilangngeri, sanrapangi cincing bulaeng yareka belo-belo bulaeng.