AYUB 28:16 - KITTA' MATANGKASA'

¹⁶ Bulaeng siagang paramata kaminang ka'jalaka takkulleai napasangkammai anggaranna.

AYUB 28:16 Referans Kwoze

YEHEZKIEL 28:13

Tampa' pammantangannu ri Eden, iamintu kokonNa Allata'ala. Pakeannu nibelo-beloi sangka' rupa paramata: paramata batu delima siagang intang, topasa', batu pirusu', batu yaku', ratna, campaka, batu nilang, samru' siagang batu alkali eja. Belo-belo bulaennu jai todong. Anjo barang-barang kammaya nipareki untu' ikau ri allo nipa'jarinu.

YESAYA 13:12

Sike'de' duduji tau lanipasalama', sike'dekangngang na bulaeng ti'noka.

PAMMUJI 45:9

Pakeannu mabau' a'rasa muru', gaharu siagang cendana; nipakarannuko ri pakarena musika ri balla' lompo gadinga.

1 PATTOTTORANG 29:4

bulaeng kaminang bajika la'bi 100 tong battala'na, siagang pera' ti'no' kira-kira 240 tong battala'na untu' pa'lapisi'na rinring Balla'Na Batara, kammayatompa untu' barang-barang ia musti najamaya sikamma tau cara'deka ri jama-jamanna. Jari, kamma-kamma anne inaipi pole ero' assare passare mae ri Batara situlusu' atinna?”

KALAPPASSANG 28:20

Ri barrisi' makaappaka iamintu batu pirusu', batu yaku' siagang batu ratna campaka. Anjo sampuloa anrua batu paramata musti nisikkoki bulaeng.

AYUB 28:15

Kacara'dekanga takkulleai nipassambe siagang bulaeng ti'no', yareka takkulleai niballi siagang pera'.

AYUB 28:17

Bulaenga siagang kaca alusu' takkulleai sangkamma anggaranna, takkulleai nibayara' siagang paramata bulaeng toa.

KELONG MALA'BIRI' 5:14

Limanna ga'gai, accincing bulaeng siagang paramata, kalenna rapangi gading nisapu ri batu accilla'.

YESAYA 54:11

Nakana Batara, “He Yerusalem, kota cilakaya, tena kullenu siagang tena panynyaleorinnu. LaKupadongkoki ammotere' sikamma dasara'nu, batu-batu ka'jalaka ballinna Kupake.

PIRAUNG 4:7

Riolo pamimping-pamimpinna ikambe ci'nongi keboki kontu kapasa' matangkasaka. Mingka kassaki na gassing, akkamalei na tena garrinna.