AYUB 27:6 - KITTA' MATANGKASA'

⁶ Tuli anna'galakka' mae ri kamannurukingku, siagang tuli tangkasa'na ati mailalangku.

AYUB 27:6 Referans Kwoze

AYUB 2:3

Akkuta'nammi Batara angkana, “Apaka le'ba'mi nuparhatikang atangKu Ayub? Ri sikontu linoa, tena tau sangkamma baji' pa'mai'na siagang majarre'na tappa'na. Anynyombai mae ri Nakke, siagang tena sikali na'gau' kodi. Tuli majarre'na tappa'na mae ri Nakke, manna pole le'ba'Ma' nunyonyo' ampitujui bala, manna natena passabakkanna.”

LAMPA-LAMPANA 24:16

Iaminjo saba'na natuli kuusahai baji'-baji', sollanna tangkasa' atingku mae ri Allata'ala siagang tangkasa' mae ri parangku rupatau.

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!

PANGNGEBARANG 4:13

Tuli u'rangi ajarang le'baka nutarima battu ri nakke. Jagai anjo baji'-baji', saba' lanri anjo pangngajaraka nalangngerang wassele' tallasa'nu.

AYUB 6:29

Teako a'gau' tenai naadele', angngu'rangiko! Teako callaia', ma'nassa tena tojeng kusala.

AYUB 13:18

Sadiama' ampamajui parkaraku; tappaka', angkana tena kukkulle nisalakang!

AYUB 27:7

Dasi-dasi nanihukkung musungku sangkamma tau doraka, na niballassi balingku sangkamma tau kodi sipa'.

AYUB 29:14

Lambusuki gaukku, tena callangku; kupaentengi kaadelanga situlina.

AYUB 31:6

Lappassamma' Natimbang Allata'ala irate ri timbangang annabaya, na laNaasseng angkana tena nakusala.

AYUB 32:1

Lanri tappa' duduna Ayub ri annabana kalenna, tenamo nappiali pole anjo tallua aganna.

AYUB 32:2

Mingka anjoreng nia' sitau niareng Elihu, ana'na Barakheel, turungang Bus battu ri golongang Ram. Tanakulleai natahang larrona, lanri Ayub nasalakangi Allata'ala nampa napattojeng kalenna.

AYUB 40:8

Maka eroki nusassali kaadelangKu, nupattojeng kalennu nampa iNakke nusalakang?

AYUB 17:9

Tau bajika siagang tau tenaya salana, pila' tappa'mi angkana ningai ri Allata'ala batena attallasa' ke'nanga.

AYUB 31:7

Ebara' angkana ammengkama' battu ri oloang tojenga, yareka nibeso'mi pa'maikku mae ri apa ra'masaka, punna ra'masa' limangku lanri dosa,