AYUB 27:16 - KITTA' MATANGKASA'

¹⁶ Akkullei attambung-tambung pera'na siagang assusung-susung pakeanna,

AYUB 27:16 Referans Kwoze

ZAKHARIA 9:3

Le'ba'mi Tirus ambangung benteng-benteng untu' kalenna siagang appatambung tamaka jaina bulaeng siagang pera' sa'genna a'jari sangkammami barang biasa sangkamma kassi' siagang butta peoka ri aganga.

MATIUS 6:19

“Teako pa'barang-barangang bawang nupasse're ri lino. Nasaba' pa'barang-baranganga ri anne linoa akkullei nakanre kacoa', siagang bu'bu', yareka akkullei nilukka' ri palukkaka.

YAKOBUS 5:2

A'jari botto'mi kakalumanynyangannu. Nakanremi kacoa' pakeannu.

HABAKUK 2:6

Mingka sikontu anjo nabetaya ampianderi siagang ancau-caui. Lanakana ke'nanga, “Nitunraiko nasaba' appatambungko barang-barang nateai ikau pata! Siapapi sallonu ampakkalumanynyangi kalennu lanri nupassana tau niaka inranna mae ri kau ambayaraki inranna ke'nanga?”

AYUB 22:24

Pela'mi bulaennu kaminang ti'noka; pasambilai antama' ri binanga tenayamo je'ne'na.

1 KARAENG-KARAENG 10:27

Lalang jammang pamarentahanna Salomo, ri Yerusalem anjo peraka sangkammaji barang-barang biasa sangkamma batua. Siagang kayu camara Libanon alla'bi-la'bi jaina sangkamma kayu ara biasaya.

AYUB 3:15

Attinroa' sangkamma ana' bura'ne karaeng, amboneai balla'na siagang pera' na bulaeng.

AYUB 15:29

Latappela'mi kakalumanynyanganna anjo taua natenamo bate-batena; la'busu' taba sikali barang-baranna.

AYUB 20:10

Apa nalukkaka riolo battu ri tau tenaya apa-apanna, musti nisambei ri ana'-ana'na.

AYUB 27:15

Bijanna niaka ija, matei lanri garring, siagang tena nikarruki ri janda-jandana.

AYUB 27:17

mingka yangasenna anjo peraka siagang pakeanga la'jari napatangi tau lambusu' pa'maika.

PANGNGEBARANG 13:22

Tau bajika ammoliki warisi' kakalumanynyangngang mae ri ana' cucunna; kakalumanynyangnganna tau dorakaya niboliki untu' tau lambusuka ri tallasa'na.

KATO'BA 2:26

Allata'ala assare kacara'dekang, pangngassengang siagang kate'neang mae ri tau ampakasannangai pa'mai'Na. Mingka tau dorakaya Nasuroi a'boya dalle' nampa napatambung wassele'na untu' nipassareang mae ri tau ampakasannangai pa'mai'Na Allata'ala. Jari yangasenna anjo sia-siaji, sanrapang usaha angngondang anging.

ZEFANYA 1:11

Appiraungko siagang angngarru' mako ri wattu nulangngere'na anjo sa'ra kammaya, he pandudu' kota bageang irawaya, nasaba' sikontu padangganga siagang tau appappinranga doe' le'ba' kabusu'mi nibuno!

ESTER 8:1

Anjo memang alloa napassareammi Karaeng Ahasyweros sikamma pa'barang-baranganna Haman mae ri Ester; Haman, musu lompona tu Yahudia. Napaumi Ester mae ri karaenga angkana accikali siagang Mordekhai. Jari appakkaramula anjo wattua nisaremi ha' anjo Mordekhai untu' battu andallekang ri karaenga manna tanisuro kio' la'bi riolo.