AYUB 26:7 - KITTA' MATANGKASA'

⁷ Naka'rangi Allata'ala langika irateanna tamparang lompoa, nampa nagentung buttaya ri alla' tenaya bonena.

AYUB 26:7 Referans Kwoze

AYUB 9:8

Napaka'rangi langika natena ambali; Naonjo'-onjokangi dongko'na naga tamparanga.

YESAYA 40:22

Mappa'jarina ammempoi ri empoang kala'biranNa irate ri bundala'na linoa, pandudu'na buttaya ca'di nicini' rapang katimbang. Naka'rangi langika rapang kaeng, nampa Napasang rapang kema untu' nipammantangngi.

YESAYA 42:5

Karaeng Allata'ala ampa'jari siagang angka'rangi langika; Ia ampareki buttaya siagang sikamma attimboa rateanna. Nasarei rupataua nappasa' katallassang siagang nyawa. Napabattui pasang kammaya anne mae ri atanNa,

PAMMUJI 24:2

Ia ampadongkoki dasara'na irate ri tamparang, na Napaenteng irate ri je'ne' malantanga.

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!

AYUB 38:6

Antekamma batena najarre' ammenteng benteng-benteng pattumpa'na linoa? Inai ampadongkoki batu pundasi tangnga majarre',

PAMMUJI 89:12

IKatte pata langika siagang buttaya, bate paretTa linoa siagang sikontu bonena.

ZAKHARIA 12:1

Iaminne pasanNa Batara ri sesena Israel. LaNaka'rangi Batara langika, Napa'jari buttaya kammayatompa Nasarei katallassang rupataua, Nakana,

PAMMUJI 89:13

IKatte ampa'jari waraka siagang timboroka, makkio' rannui mae ri Katte Moncong Tabor siagang Hermon.

YESAYA 40:21

Maka tanuassengai siagang tanulangngerai, siagang tena nanipauangko battu riolo? Maka tena nanupahangi battu riolo antekamma pakaramulana linoa?