AYUB 26:11 - KITTA' MATANGKASA'

¹¹ Punna angga'gara' kamma sa'ra gunturu', annekkereki sikamma benteng pattumpa'na langika.

AYUB 26:11 Referans Kwoze

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.

HAGAI 2:21

untu' nipabattu mae ri Guburnur Zerubabel. Nakana Batara, “Tasalloami nalaKugoccang langika siagang buttaya,

PAMMUJI 18:7

Makkioka' ri Batara lalang ri kasukkarangku, makkioka' ri Allata'alaku appala' pannulung. Battu ri Balla'na Nalangngereki sa'rangku na Naparhatikang pakkiokku.

AYUB 15:15

Ba'lalo manna mae ri malaekaka tena todong Natappa' Allata'ala; tena natangkasa' ke'nanga ri paccini'Na.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

2 PETRUS 3:10

Mingka lasanrapangi palukka' kabattuanna anjo Allo kabattuanNa Batara. Anjo Alloa lassa'ra lompoi gunturuka nalanynya' langika; sikamma apa-apa niaka ri langika lala'busuki nakanre pepe'. Kammayatompa lalanynyaki buttaya siagang sikontu apa-apa niaka lalang.

2 SAMUEL 22:8

Nampa ta'goccang linoa siagang ta'ge'goso' lanri kalarroanNa Allata'ala!

AYUB 26:10

Nagambaraki bo'donga ri tompo'na tamparanga untu' ansa'laki singaraka siagang sassanga.

AYUB 26:12

Napadundui tamparang lompoa lanri koasaNa siagang Naballassi Rahab lanri kaporeanNa.

NAHUM 1:5

Annekkereki sikamma buluka ri dallekanNa; na bontoa assolong kabusu'mi Napakamma. Punna ammumba Batara, amme'bereki buttaya, linoa siagang sikontu pandudu'na annekkereki.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.