AYUB 26:10 - KITTA' MATANGKASA'

¹⁰ Nagambaraki bo'donga ri tompo'na tamparanga untu' ansa'laki singaraka siagang sassanga.

AYUB 26:10 Referans Kwoze

PANGNGEBARANG 8:29

ri wattunna Naparenta je'ne' tamparanga sollanna tena nalaloi pa'baeng-baenna. Inakke nia' tonga' hadere' anjoreng ri wattunna Napadongko' pa'lapa'na buttaya.

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

PAMMUJI 33:7

Sikontu je'ne' tamparanga Napasse'rei ri se'reang tampa', tamparang lompoa Natahangi lalang se're pannahangngang je'ne'.

PA'JARIANG 8:22

Ilalang nia'na anne linoa, tuli lania' wattu pa'lamungang siagang wattu pakkattoang, wattu dinging siagang wattu bambang, wattu timoro' siagang wattu bara', wattu allo siagang bangngi.”

AYUB 26:11

Punna angga'gara' kamma sa'ra gunturu', annekkereki sikamma benteng pattumpa'na langika.

AYUB 38:1

Nampa a'bicaramo Batara battu lalang ri anging lompoa mae ri Ayub, Nakana,

AYUB 38:19

Maka nuassengi battu kemae anjo singaraka? Siagang kemae sitojenna kabattuanna sassanga?

AYUB 38:20

Maka akkulleko ampattantui pa'baeng-baenna sassanga siagang singaraka? Yareka ansuroi ke'nanga ammotere' punna niaki battu?

AYUB 38:24

Maka nuassengi tampa' pammantanganna mataalloa? Yareka battu kemae assala'na anging battu rayaya?

PANGNGEBARANG 8:27

Kusa'bi ri wattunna Napaka'rang langika, siagang ri wattunna Napabantang passimbanga rateanna tamparanga,