AYUB 24:16 - KITTA' MATANGKASA'

¹⁶ Palukkaka ammongkaraki balla' ri wattu bangngi; ri wattu allo a'lilimi ri singaraka nampa accokko.

AYUB 24:16 Referans Kwoze

YOHANES 3:20

Inai-nai a'gau' ja'dala', iami angkabirisi Singaraka; taerokai battu mae ri singaraka, sollanna tena nakacinikang panggaukang ja'dala'na.

MATIUS 24:43

U'rangi minne! Ka'de' naasseng patanna balla' angkanaya tette' siapa ri bangngia nalabattu palukkaka, tenaja nalattinro, sollanna tena nantama' palukkaka ri balla'na.

MATIUS 6:19

“Teako pa'barang-barangang bawang nupasse're ri lino. Nasaba' pa'barang-baranganga ri anne linoa akkullei nakanre kacoa', siagang bu'bu', yareka akkullei nilukka' ri palukkaka.

YEHEZKIEL 12:12

Lalang ri sassanna bangngia karaenna ke'nanga lanapisangi pa'roko'na irate ri salangganna nampa a'lampa. Lappareki taua so'bolo' ri temboka sollanna akkulle assulu'. Lanatongkoki matanna sa'genna tanacinika agang naoloa.

AYUB 24:13

Nia' tau antollaki singaraka siagang namusui, tanaassengai siagang tanaturukiai ke'nanga oloanna.